ଲକ୍ଷ୍ନୌ: ଉତ୍ତରପ୍ରଦେଶ ବାରଣାସୀ ଜିଲ୍ଲାରେ ଅଭାବନୀୟ ଘଟଣା । ସିଲିଣ୍ଡର ବିସ୍ଫୋରଣ ହେବାରୁ ଭୁଶୁଡିଲା ଛାତ(House collapses due to cylinder blast ) । ଜଣଙ୍କ ମୃତ୍ୟୁ ହୋଇଥିବା ବେଳେ ୩ଜଣ ଭଙ୍ଗା ଛାତ ତଳେ ଫସିରହିଥିବା ସୂଚନା ମିଳିଛି । ଦଶ୍ବାସମେଧ ଜଗମ୍ବବାଡି ଅଞ୍ଚଳରେ ଏହି ଘଟଣା ଘଟିଥିବା ପୋଲିସ ତରଫରୁ ସୂଚନା ପ୍ରଦାନ କରାଯାଇଛି । ମୃତକ ଜଣଙ୍କ ହେଉଛନ୍ତି ବେବି ଭରମା ।
ଗୁରୁବାର ସକାଳ ପ୍ରାୟ ୯ଟା୧୫ ମିନିଟ ସମୟରେ ସିଲିଣ୍ଡର ବିସ୍ଫୋରଣ ହେବାରୁ ପ୍ରଚଣ୍ଡ ଶବ୍ଦ ହୋଇଥିଲା । ଫଳରେ ବେବି ଭରମାଙ୍କ ଘରର ଦୁଇଟି କୋଠରୀର ଛାତ ଭୁଶୁଡି ପଡିଥିଲା । ଏହାପରେ ଘରେ ଥିବା ୪ଜଣ ସଦସ୍ୟ କାନ୍ଥ ତଳେ ଚାପି ହୋଇଯାଇଥିଲେ । ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା ।
ଏହା ମଧ୍ୟ ପଢନ୍ତୁ-ବ୍ରିଟେନ ସୁପ୍ରିମକୋର୍ଟରେ କେସ୍ ହାରିଲେ ନିରବ ମୋଦି, ଭାରତକୁ ପ୍ରତ୍ୟାର୍ପଣ ରାସ୍ତା ସଫା
ଏନେଇ ବାରଣାସୀ ଜିଲ୍ଲାପାଳ କହିଛନ୍ତି ଯେ, ''ଗୋଟିଏ କୋଠା ଘରେ ୪ଟି ରୁମ ଥିବାବେଳେ ସିଲିଣ୍ଡର ବିସ୍ଫୋରଣ ଯୋଗୁଁ ଦୁଇଟି ରୁମର ଛାତ ଭୁଶୁଡି ପଡିଥିଲା । ଫଳରେ ବେବି ଶର୍ମା ନାମକ ଜଣ ମହିଳାଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା । ଏହି ଘଟଣା ସମ୍ପର୍କରେ ପଡୋଶୀ ସ୍ଥାନୀୟ ପୋଲିସକୁ ସୂଚନା ଦେଇଥିଲେ । ତେବେ ବର୍ତ୍ତମାନ ଭଙ୍ଗା ଘରରର ଛାତ ତଳେ ୩ ଜଣ ଚାପି ହୋଇ ରହିଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି ।'''
