ଲକ୍ଷ୍ନୌ: ବାରାଣାସୀର ବହୁଚର୍ଚ୍ଚିତ ଜ୍ଞାନବ୍ୟାପୀ ମସଜିଦ ବିବାଦ କୋର୍ଟରେ ବିଚାରାଧୀନ ଥିବା ବେଳେ ସେଠାରେ ମିଳିଥିବା ନେଇ କୁହଯାଉଥିବା ଶିବଲିଙ୍ଗକୁ ପୂଜା କରିବା ପାଇଁ ଉଦ୍ୟମ କରିଛନ୍ତି ଜଣେ ହିନ୍ଦୁ ସନ୍ଥ । ସନ୍ଥ ତଥା ସ୍ବାମୀ ସ୍ବରୂପାନନ୍ଦ ସରସ୍ବତୀଙ୍କ ଶିଷ୍ୟ ସ୍ବାମୀ ଅଭିମୁକ୍ତେଶ୍ବରାନନ୍ଦ ଆଜି ପୂଜାର୍ଚ୍ଚନା କରିବା ପାଇଁ ମସଜିଦ ପରିସରରେ ପ୍ରବେଶ କରିବାକୁ ଉଦ୍ୟମ କରିଥିଲେ । ପୋଲିସ ତାଙ୍କୁ ପ୍ରବେଶରେ ବାଧା ଦେବା ଫଳରେ ସେ ସେହି ଠାର ହିଁ ଆମରଣ ଅନଶନରେ ବସିଥିଲେ ।
ତେବେ ହିନ୍ଦୁ ପକ୍ଷ ସେଠାରେ ଶିବଲିଙ୍ଗ ଠାବ ହୋଇଥିବା ଦାବି କରିଆସୁଥିବା ବେଳେ ତାହା ଏବଂ ଓ୍ବାଟର ଫାଉଣ୍ଟଟେନ ବୋଲି କହୁଛି ମୁସଲିମ ପକ୍ଷ । ଗତ ଗୁରୁବାର ଏହି ସନ୍ଥଜଣଙ୍କ ତାଙ୍କ ଅନୁଗାମୀଙ୍କ ସହ ମସଜିଦରେ ପ୍ରେବଶ କରି ଶିବଲିଙ୍ଗରେ ଜଳାଭିଷେକ କରିବେ ବୋଲି ଘୋଷଣା କରିଥିଲେ । ଘୋଷଣା ପରେ ପୋଲିସ ସୁରକ୍ଷା ବ୍ୟବସ୍ଥା ବଢାଇ ଦେଇଥିଲା । ଆଜି ସନ୍ଥ ଅଭିମୁକ୍ତେଶ୍ବରାନନ୍ଦ ପ୍ରବେଶ କରିବାକୁ ଉଦ୍ୟମ କରିବା ବେଳେ ତାଙ୍କୁ ତୁରନ୍ତ ରୋକିଥିଲା ପୋଲିସ । ପୂଜାର୍ଚ୍ଚନା ଅନୁମତି ଦାବିରେ ସନ୍ଥ ଅଭିମୁକ୍ତେଶ୍ବରାନନ୍ଦ ଆମରଣ ଅନସନରେ ବସିଛନ୍ତି ।
ବାରାଣାସୀ କୋର୍ଟଙ୍କ ଦ୍ବାରା ନିର୍ଦ୍ଦେଶ ପର ଭିଡିଓଗ୍ରାଫି ସର୍ଭେ କରାଯାଇଥିଲା । ଭିଡିଓ ଗ୍ରାଫିରେ ସେଠାରେ ଏକ ବିଶାଳ ଶିବଲିଙ୍ଗ ଠାବ କରାଯାଇଥିବା ଦାବି କରିଥିଲା ହିନ୍ଦୁ ପକ୍ଷ । ଅନ୍ୟପଟେ ଏହା ଏକ ଶିବଲିଙ୍ଗ ନୁହେଁ ବଂର ମସଜିଦ ପରିସରରେ ଲାଗିଥିବା ଏକ ଓ୍ବାଟର ଫାଉଣ୍ଟେନ ବୋଲି ଦାବି କରୁଛି ଅପର ପକ୍ଷ । ଶିବଲିଙ୍ଗ ମିଳିବା ଚର୍ଚ୍ଚା ପରେ ଏବେ ସେଠାରେ ପୂଜାର୍ଚ୍ଚନା ପାଇଁ ହିନ୍ଦୁମାନଙ୍କୁ ଅନୁମତି ଦେବାକୁ ବିଭିନ୍ନ ମହଲରେ ଦାବି ଜୋର ଧରିବାରେ ଲାଗିଛି । ଏହାରି ମଧ୍ୟରେ ସନ୍ଥ ଅଭିମୁକ୍ତେଶ୍ବରାନନ୍ଦ ସେଠାରେ ପ୍ରବେଶ ଅନୁମତି ଦେବା ପାଇଁ ଧାରଣାରେ ବସିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
