ଜୟପୁର: ଆସନ୍ତାକାଲି ଜାତିର ପିତା ମହାତ୍ମା ଗାନ୍ଧୀଙ୍କ ଜୟନ୍ତୀ । ଗାନ୍ଧୀ ଜୟନ୍ତୀର ଗୋଟିଏ ଦିନ ପୂର୍ବରୁ ରାଜସ୍ଥାନେର ଶାନ୍ତି ଓ ଅହିଂସା ବିଭାଗ ଗଠନ (Department of Peace and Non violence in Rajasthan)ପାଇଁ ରାଜସ୍ଥାନ ସରକାର ମଞ୍ଜୁରୀ ଦେଇଛନ୍ତି । ରାଜ୍ୟପାଳ କଲରାଜ ମିଶ୍ର ରାଜ୍ୟରେ ଏହି ବିଭାଗ ଗଠନକୁ କ୍ୟାବିନେଟ ପଠାଇଥିବା ପ୍ରସ୍ତାବ ଉପରେ ମଞ୍ଜୁରୀ ପ୍ରଦାନ କରିଛନ୍ତି ।
ସିଏମ ଗେହଲଟ କରିଥିଲେ ଘୋଷଣା:-
ବଜେଟ ଅଧିବେଶନ ବେଳେ ରାଜ୍ୟରେ ଶାନ୍ତି ଏବଂ ଅହିଂସା ବିଭାଗ ଗଠନ ପାଇଁ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଘୋଷଣା କରିଥିଲେ। ସିଏମ ଗେହଲଟଙ୍କ ଏହି ଘୋଷଣା ଆଧାରରେ ରାଜ୍ୟରେ ଶାନ୍ତି ଏବଂ ଅହିଂସା ବିଭାଗ ଗଠନ ପାଇଁ ପ୍ରସ୍ତାବ ନିକଟରେ କ୍ୟାବିନେଟରେ ପାରିତ ହୋଇଛି । କ୍ୟାବିନେଟରେ ପ୍ରସ୍ତୁତ ଏହି ପ୍ରସ୍ତାବ ରାଜ୍ୟପାଳ କଲରାଜ ମିଶ୍ରଙ୍କ ଅନୁମୋଦନ ପାଇଁ ପଠାଯାଇଛି । ଯଦିଓ ଏହା ପୂର୍ବରୁ ଶାନ୍ତି ଏବଂ ଅହିଂସା ନିର୍ଦ୍ଦେଶାଳୟ ଖୋଲା ଯାଇଥିଲା ।
କିନ୍ତୁ ବର୍ତ୍ତମାନ ରାଜ୍ୟପାଳଙ୍କ ଅନୁମୋଦନ ପରେ ଏକ ପୃଥକ ମନ୍ତ୍ରଣାଳୟ ମଧ୍ୟ ଗଠନ କରାଯିବ। ସିଏମ୍ ଗେହଲଟ୍ କହିଥିଲେ ଯେ ବର୍ତ୍ତମାନ ଯୁଗରେ ଯୁବକମାନଙ୍କୁ ଗାନ୍ଧୀଙ୍କ ଧାରଣା ସହିତ ଅଧିକ ସଂଯୋଗ କରିବାର ଆବଶ୍ୟକତା ରହିଛି। ଏଥିପାଇଁ ରାଜ୍ୟ ସରକାର ଶାନ୍ତି ଏବଂ ଅହିଂସା ନିର୍ଦ୍ଦେଶାଳୟ ଗଠନ କରିସାରିଛନ୍ତି ଏବଂ ବର୍ତ୍ତମାନ ଏକ ପୃଥକ ବିଭାଗ ଗଠନ କରୁଛନ୍ତି ।
କଣ ଏହି ବିଭାଗ ?
ଜାତିର ପିତା ମହାତ୍ମା ଗାନ୍ଧୀଙ୍କ ୧୫୦ତମ ଜୟନ୍ତୀ ପରେ ରାଜ୍ୟରେ ଏହି ବିଭାଗ ଅସ୍ତିତ୍ବକୁ ଆସିଥିଲା । ଗାନ୍ଧିଜୀଙ୍କ ବାର୍ତ୍ତାକୁ ରାଜ୍ୟବାସୀଙ୍କ ନିକଟରେ ପହଞ୍ଚାଇବା ଏବଂ ପାରସ୍ପରିକ ଭାଇଚାରା ବୃଦ୍ଧି ପାଇଁ ଏହି ବିଭାଗ ରାଜ୍ୟରେ କାର୍ଯ୍ୟ କରିବ। କଳା ଏବଂ ସଂସ୍କୃତି ବିଭାଗ ଏହାର ମୂଳ ବିଭାଗ ହେବ । ଶାନ୍ତି ଏବଂ ଅହିଂସା ବିଭାଗ ମାଧ୍ୟମରେ ଯୁବକଙ୍କ ମଧ୍ୟରେ ସତ୍ୟ ଏବଂ ଅହିଂସା ବାର୍ତ୍ତା ପହଞ୍ଚାଯିବ । ଏହି ଦିଗରେ ଗେହଲଟ ସରକାର କାମ କରୁଛନ୍ତି ।
ସେ ପୃଥକ ବା ଏକ ଅଲଗା ବିଭାଗ ଗଠନ କରିବା ସହିତ ସମୟ ସମୟରେ ଗାନ୍ଧିଜୀଙ୍କ ଜୀବନ ଦର୍ଶନକୁ ନେଇ ପ୍ରଦର୍ଶନୀ ମଧ୍ୟ ଆୟୋଜିତ କରୁଛନ୍ତି । ଏହାସହିତ ଯୁବପିଢିଙ୍କୁ ଗାନ୍ଧିଜୀଙ୍କ ଜୀବନ ସହିତ ଜଡ଼ିତ ପୁସ୍ତକ ପଢିବାକୁ ମଧ୍ୟ ପ୍ରେରିତ କରୁଛନ୍ତି । ଏହି ବିଭାଗ ସାମାଜିକନ ନ୍ୟାୟ ବିଭାଗ ସହିତ ଦଳିତଙ୍କ ଲାଗି ମଧ୍ୟ କାମ କରିବ ।
