ବେଙ୍ଗାଲୁରୁ: ସାଧାରଣତ ହିନ୍ଦୁ ଧର୍ମରେ ମନ୍ଦିର ମଧ୍ୟକୁ ପ୍ରବେଶ କରିବା ସମୟରେ ଚପଲ ପିନ୍ଧିବାକୁ ବାରଣ କରାଯାଏ । ହେଲେ ଏହାକୁ ଉଲ୍ଲଙ୍ଘନ କରି ଏବେ ହଟ୍ଟହଟ୍ଟା ୪ ଯୁବକ । ମନ୍ଦିର ମଧ୍ୟକୁ ଚପଲ ପିନ୍ଧି ପ୍ରବେଶ କରିବାରୁ ୪ ଜଣ ଯୁବକଙ୍କୁ ପୋଲିସ ଗିରଫ କରିଛି । ଏଭଳି ଘଟଣା ଘଟିଛି କର୍ଣ୍ଣାଟକର ଡାକସିନା କନ୍ନଡ ଜିଲ୍ଲାର କରିଞ୍ଜା ପାହଡ ଉପରେ ।
ମିଳିଥିବା ସୂଚନା ଅନୁଯାୟୀ ପାହାଡ ଉପରେ କରିଞ୍ଜେଶ୍ବର ମନ୍ଦିର ଥିବା ବେଳେ ୪ ଜଣ ଯୁବକ ବୁଶର ରେହମାନ,ଇସମାଇଲ ଆରହମାଜ, ମହମ୍ମଦ ତନିଶ ଓ ମହମ୍ମଦ ରଶାଦ ଚପଲ ପିନ୍ଧି ମନ୍ଦିର ମଧ୍ୟକୁ ପ୍ରବେଶ କରିଥିଲେ । ଏନେଇ ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଅକ୍ଟୋବର ୭ରେ ସେୟାର କରିଥିଲେ । ଏହାପରେ ଏହି ଯୁବକଙ୍କୁ ଗିରଫ ପାଇଁ ସାଧାରଣରେ ଦାବି ହୋଇଥିଲା ।
ଏହାପରେ ବନ୍ତୱାଲର ବିଜେପି ବିଧାୟକ ରାଜେଶ ନାୟକ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପୋଲିସକୁ ଅନୁରୋଧ କରିଥିଲେ । ଶେଷରେ ନଭେମ୍ବର ୩ରେ ପୋଲିସ ଏକ ମାମଲା ରୁଜୁ କରି ୪ ଯୁବକଙ୍କୁ ଗିରଫ କରାଯାଇଛି ।
