ମୁମ୍ବାଇ: ମହାରାଷ୍ଟ୍ର ଅମ୍ବରନାଥ ଥାନେ ଅଞ୍ଚଳରେ ମର୍ମନ୍ତୁଦ ସଡକ ଦୁର୍ଘଟଣା । ଏକ କାର ଓ ଅଟୋ ମୁହାଁମୁହିଁ ଧକ୍କା ହେବାରୁ ୪ଜଣଙ୍କର ମୃତ୍ୟୁ ହୋଇଛି । ଏହି ଦୁର୍ଘଟଣାରେ ଉଲହାସନଗରର ଗୋଟିଏ ପରିବାରର ୩ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି ।
ଗତକାଲି ରାତିରେ ଅମ୍ବରନାଥ ତାଲୁକାସ୍ଥିତ ପାଲେଗାଓଁରMIDC ରାସ୍ତାରେ ଏହି ଦୁର୍ଘଟଣା ଘଟିଥିଲା । ତେବେ ଦୁର୍ଘଟଣାରେ ଅଟୋଟି ସମ୍ପୂର୍ଣ୍ଣ ଭାଙ୍ଗି ଯାଇଥିବା ଜଣାପଡିଛି । ମୃତକ ଚାରି ହେଉଛନ୍ତି ଭର୍ସା ଭାଲେଚା ବୟସ 51 ବର୍ଷ , ଆରତୀ ଭାଲେଚା , ବୟସ 41 ବର୍ଷ , ରାଜ ଭେଲେଚା ବୟସ 12 ବର୍ଷ ଏବଂ ଅଟୋ ଚାଳକ କିସାନ ଭିଥାଲ ବୋଲି ଜଣାପଡିଛି ।
ମିଳିଥିବା ସୂଚନା ଅନୁଯାୟୀ ରାସ୍ତାରେ କାରଟି ଦ୍ରୁତଗତିରେ ଆସୁଥିବା ବେଳେ ହଠାତ ଅଟୋକୁ ଧକ୍କା ଦେଇଥିଲା । ଫଳରେ ଗୋଟିଏ ପରିବାରର ତିନିଜଣ ସଦସ୍ୟଙ୍କର ମୃତ୍ୟୁ ହୋଇଥିବା ବେଳେ ଘଟଣାସ୍ଥଳରେ ଅଟୋ ଚାଳକଙ୍କର ମୃତ୍ୟୁ ହୋଇଥିଲା । ଏନେଇ ଖବର ପାଇ ଘଟଣା ସ୍ଥଳରେ ଶିବାଜୀନଗର ପୋଲିସ ପହଞ୍ଚି କାର ଡ୍ରାଇଭରକୁ ଗିରଫ କରିବା ସହ ଏକ ମାମଲା ରୁଜୁ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
