କୋଲକାତା: ଭାରତରେ କୋଭିଡ ସ୍ଥିତି ଭୟଙ୍କର ହେବା ସହ ଅକ୍ସିଜେନ ସଂଙ୍କଟ ଏବେ ମହାମାରୀ ପ୍ରଭାବକୁ ଦୁଇଗୁଣ କରିଛି । ବର୍ତ୍ତମାନ ଦେଶରେ ଆବଶ୍ୟକୀୟ ପରିମାଣର ଅକ୍ସିଜେନ ଯୋଗାଣ ପାଇଁ ଅଭିଯାନ ଆରମ୍ଭ କରିଛନ୍ତି ସରକାର ।
ଏହି କ୍ରମରେ ସୁଦୁର ସିଙ୍ଗାପୁରରୁ 4 କ୍ରାୟୋଜେନିକ୍ ଅକ୍ସିଜେନ କଣ୍ଟେନର ପଶ୍ଚମିମବଙ୍ଗର ପାନ ଗଡରେ ପହଞ୍ଚିଛି । ଭାରତୀୟ ବାୟୁ ସେନାର ସି -17 ଗ୍ଲୋବ ମାଷ୍ଟର ଯୋଗେ ଏହି 4 ସିଲିଣ୍ଡିରକୁ ଭାରତକୁ ଅଣାଯାଇଛି । ଆଜି ସକାଳେ ଭାରତୀୟ ବାୟୁ ସେନା ବିମାନ ସି -17 ଗ୍ଲୋବ ମାଷ୍ଟର 4 ଟି କ୍ରାୟୋଜେନିକ୍ ଅକ୍ସିଜେନ କଣ୍ଟେନର ଧରି ସିଙ୍ଗାପୁରର ଚାଙ୍ଗୀ ବିମାନ ବନ୍ଦରରୁ ପଶ୍ଚିମବଙ୍ଗର ପାନଗଡ ବିମାନ ବନ୍ଦର ଅଭିମୁଖେ ଉଡାଣ ଆରମ୍ଭ କରିଥିଲା । ତେବେ ଅପରାହ୍ନରେ ବିମାନଟି ପଶ୍ଚିମବଙ୍ଗର ପାନଗଡ ବିମାନ ବନ୍ଦରରେ ଅବତରଣ କରିଛି । ବିମାନ ଅବତରଣ ପରେ ଅକ୍ସିଜେନ କଣ୍ଟେନର ଗୁଡିକୁ ଗନ୍ତବ୍ୟ ସ୍ଥଲକୁ ପଠାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
