ରାମେଶ୍ବରମ: ଭାରତର ପୂର୍ବତନ ରାଷ୍ଟ୍ରପତି ଏପିଜେ ଅବଦୁଲ କଲାମଙ୍କ ବଡ ଭାଇ ମହମ୍ମଦ ମଥୁ ମୀରା ଲେବ୍ବାଇ ମାରାକୟାରଙ୍କ ପରଲୋକ ହୋଇଛି । ରାମେଶ୍ବରମ ସ୍ଥିତ ବାସଭବନରେ ଶେଷ ନିଶ୍ବାସ ତ୍ୟାଗ କରିଛନ୍ତି ମହମ୍ମଦ ମଥୁ ମୀରା । ମୃତ୍ୟୁ ବେଳକୁ ତାଙ୍କୁ 104 ବର୍ଷ ହୋଇଥିଲା ।
ବାର୍ଦ୍ଧକ୍ୟ ଜନିତ ରୋଗରେ ଅନେକ ଦିନରୁ ଆକ୍ରାନ୍ତ ଥିଲେ ମହମ୍ମଦ । ଏହା ସହିତ ତାଙ୍କର ଗୋଟିଏ ଆଖିରେ ସଂକ୍ରମଣ ହୋଇଥିଲା । ସେ ରବିବାର ସଂଧ୍ୟାରେ ଶେଷ ନିଶ୍ବାସ ତ୍ୟାଗ କରିଛନ୍ତି ।
ପୂର୍ବତନ ଉପରାଷ୍ଟ୍ରପତି ଏପିଜେ ଅବଦୁଲ କଲାମ 7 ବର୍ଷ ପୂର୍ବେ ଦୁନିଆକୁ ଅଲବିଦା କହିସାରିଛନ୍ତି । 27 ଜୁଲାଇ 2015ରେ ମେଘାଳୟର ସିଲଂରେ କଲାମଙ୍କ ଦେହାନ୍ତ ହୋଇଥିଲା ।
ଅବଦୁଲ କଲାମଙ୍କ ବାପା ଜଣେ ନାବିକ ଥିଲେ । କଲାମଙ୍କ ବାଲ୍ୟକାଳ ଦାରିଦ୍ର୍ୟତା ଓ ସଂଘର୍ଷ ମଧ୍ୟରେ କଟିଛି । 10 ଭାଇ ଭଉଣୀଙ୍କୁ ନେଇ ପରିବାର ଚଳାଇବା ପାଇଁ ତାଙ୍କ ବାପାଙ୍କୁ ଅନେକ ସଂଘର୍ଷର ସାମ୍ନା କରିବାକୁ ପଡିଛି ।
