ଚେନ୍ନାଇ: ବର୍ଷାରେ ଉବୁଟୁବୁ ଚେନ୍ନାଇ । ଗତ ରାତିରେ ପ୍ରବଳ ବର୍ଷା ଯୋଗୁଁ ଚେନ୍ନାଇ ସହର ଏବଂ ଏହାର ଉପସହର ଅଞ୍ଚଳଗୁଡିକ ଜଳାର୍ଣ୍ଣବ ହୋଇଯାଇଛି । ୨୦୧୫ ପରେ ଏହା ସବୁଠୁ ଅଧିକ ବର୍ଷା ରେକର୍ଡ ହୋଇଥିବା କୁହାଯାଉଛି । ତେବେ ଏହାକୁ ନେଇ ଆଜି(ରବିବାର) ସରକାରୀ କର୍ତ୍ତୃପକ୍ଷମାନେ ପ୍ରାରମ୍ଭିକ ବନ୍ୟା ସତର୍କ ସୂଚନା ଜାରି କରିଛନ୍ତି ।
ଗତ ୧୦ ଘଣ୍ଟା ମଧ୍ୟରେ ସହରରେ ୧୪ ସେ.ମି ବର୍ଷା ରେକର୍ଡ କରାଯାଇଛି । ମେଟ୍ରୋ ୱାଟର ଏବଂ PWD ସମେତ ସ୍ଥାନୀୟ ଅଧିକାରୀ ଚେମ୍ବରବାକ୍କମ ହ୍ରଦରୁ ଜଳ ଛଡାଯିବା ଉଚିତ୍ କି ନାହିଁ ସେନେଇ ଆଲୋଚନା କରୁଛନ୍ତି । ଏନେଇ ଆନ୍ନା ନଗର ଏବଂ ସତ୍ୟନଗର ଅଞ୍ଚଳରେ ସ୍ଥାନାନ୍ତରଣ କାର୍ଯ୍ୟ ଜାରି ରହିଛି । ଅଧିକାରୀମାନେ ଅଞ୍ଚଳର ସ୍ଥିତି ଯାଞ୍ଚ କରୁଛନ୍ତି ।
ଆରବ ସାଗରରେ ଗୋଟିଏ ଲଘୁଚାପ ହୋଇଛି ଏବଂ ଆଣ୍ଡାମାନ ସାଗରରେ ହେବାକୁ ଥିବା ଆଉ ଏକ ଲଘୁଚାପ ଯୋଗୁଁ ଚେନ୍ନାଇ ପ୍ରବଳ ବର୍ଷା ହେବ ହେବ ବୋଲି ତାମିଲନାଡୁ ପାଣିପାଗ ବିଶେଷଜ୍ଞ ପ୍ରଦୀପ ଜନ୍ ଟ୍ବିଟ୍ ଯୋଗେ ସୂଚନା ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
