କୋଲକାତା: ଗୃହମନ୍ତ୍ରୀ ଅମିତ ଶାହଙ୍କୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଟାର୍ଗେଟ କରିଛନ୍ତି । ଗୁରୁବାର ଅମିତ ଶାହଙ୍କୁ ଚ୍ୟାଲେଞ୍ଜ ଦେବା ସହ ପ୍ରଥମେ ପୁତୁରା ଅଭିଶେକ ବାନାର୍ଜୀଙ୍କ ସହିତ ଲଢ ଓ ପରେ ମୋ ସହ ଲଢିବା କଥା ଭାବିବ ବୋଲି ଦିଦି କହିଛନ୍ତି ।
ସାଉଦ 24 ପ୍ରଗଣା ଜିଲ୍ଲାରେ ଏକ ସଭାରେ ଉଦବୋଧନ ଦେଇ ସେ ଏପରି କହିଛନ୍ତି । ଅଭିଶେକ ଚାହିଁଥିଲେ ରାଜ୍ୟସଭାରୁ ସାଂସଦ ହୋଇପାରିଥାନ୍ତେ କିନ୍ତୁ ସେ ଲୋକସଭାରୁ ସାଂସଦ ହେବାକୁ ଚାହିଁଲେ । ଲୋକଙ୍କ ଭରସା ଜିତି ସାଂସଦ ମଧ୍ୟ ହେଲେ । ଯାହା ତାଙ୍କର ଲୋକପ୍ରିୟତାକୁ ଦର୍ଶାଉଛି ବୋଲି ମମତା ଦିଦି କହିଛନ୍ତି ।
ଏହା ସହ ସେମାନେ ଦିନରାତି ଦିଦି-ପୁତୁରା ହେଉଛନ୍ତି । ମୁଁ ଅମିତ ଶାହଙ୍କୁ ଚ୍ୟାଲେଞ୍ଜ କରୁଛି, ସେ ଅଭିଶେକ ବାନାର୍ଜୀ ସହିତ ଲଢନ୍ତୁ ଓ ପରେ ମୋ ସହ ବୋଲି ମମତା କହିଛନ୍ତି । ଅନ୍ୟପଟେ ଅଭିଶେକଙ୍କୁ ସେ ଉପମୁଖ୍ୟମନ୍ତ୍ରୀ କିମ୍ବା ମୁଖ୍ୟମନ୍ତ୍ରୀ କରିନାହାଁନ୍ତି । ସେ କେବଳ ଜଣେ ସାଂସଦ ବୋଲି ମମତା କହିଛନ୍ତି ।
ସେହିପରି 2021 ନିର୍ବାଚନରେ ଆମେ ସବୁ ରେକର୍ଡ ଭାଙ୍ଗିବା ସହିତ ଅଧିକ ଆସନ ଦଖଲ କରିବୁ ବୋଲି କହି ଅମିତ ଶାହଙ୍କୁ ଟାର୍ଗେଟ କରିଛନ୍ତି ମମତା । ସୂଚନା ଥାଉକି, ଚଳିତ ବର୍ଷ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
