ପାଟନା: ବିହାରରେ ପ୍ରେମିକର ଉନ୍ମତ୍ତ କାଣ୍ଡ । ପ୍ରଥମେ ପ୍ରେମିକାକୁ ଗୁଳି କରି ହତ୍ୟା ଉଦ୍ୟମ କରିବା ପରେ ନିଜକୁ ଗୁଳି କରି ଜୀବନ ହାରିଲା ଯୁବକ । ଏପରି ଏକ ସ୍ପର୍ଶକାତର ଘଟଣା ଦେଖିବାକୁ ମିଳିଛି ମସୌଢି ସ୍ଥିତ ତାରେଗନା ଗ୍ରାମରେ । ଫିଲ୍ମ ଷ୍ଟାଇଲରେ ନିଜ ପ୍ରେମିକାକୁ ଗୁଳି କରିବା ପରେ ନିଜେ ଜୀବନ ହାରିଛି ପ୍ରେମିକ । ତେବେ ହଠାତ୍ ଗୁଳିମାଡ଼ର ଶବ୍ଦ ଶୁଣି ଭୟଭୀତ ଅଞ୍ଚଳବାସୀଙ୍କ ମଧ୍ୟରେ ଭୟର ବାତାବରଣ ଖେଳିଯାଇଥିଲା । ଖବର ପାଇ ପୋଲିସ ଘଟଣସ୍ଥାଳରେ ପହଞ୍ଚି ସ୍ଥାନୀୟଲୋକଙ୍କୁ ପଚରାଉଚରା କରିବା ସହ ଅଧିକ ତଦନ୍ତ ଚଳାଇଛି ।
ସୂଚନା ଅନୁସାରେ, ପ୍ରଥମେ ଜଣେ ଯୁବକ ସର୍ବସାଧାରଣରେ ଜଣେ ଯୁବତୀ ଉପରକୁ କରିଥିଲା ଗୁଳିମାଡ଼ । ଗୁଳି ବାଜିବା ମାତ୍ରେ ଯୁବତୀ ଜଣକ ତଳେ ଯନ୍ତ୍ରଣାରେ ଛଟପଟ ହେଉଥିବା ଦେଖିବାକୁ ମିଳିଥିଲା । ହଠାତ ଗୁଳିର ଶବ୍ଦ ଶୁଣି ଅଞ୍ଚଳବାସୀ ଭୟଭୀତ ହୋଇଯାଇଥିଲେ । ହେଲେ କେହି କିଛି ବୁଝିବା ପୂର୍ବରୁ ପୁଣି ଥରେ ପିସ୍ତଲରୁ ଫୁଟିଥିଲା ଗୁଳି । ନିଜ ମୁଣ୍ଡରେ ବନ୍ଧୁକ ରଖି ଯୁବକ ଜଣକ ଟ୍ରିଗରକୁ ଦବାଇଥିଲେ।
ଗୁଳିକାଣ୍ଡ ପରେ ସେଠାରେ ଉପସ୍ଥିତ ଥିବା ଲୋକେ ଉଭୟଙ୍କୁ ସଙ୍ଗେ ସଙ୍ଗେ ଡାକ୍ତରଖାନାରେ ଭର୍ତ୍ତି କରିଥିଲେ । ତେବେ ହସ୍ପିଟାଲ ଯିବା ରାସ୍ତାରେ ହିଁ ଗୁଳିକାଣ୍ଡ ଘଟାଇଥିବା ଯୁବକର ପ୍ରାଣବାୟୁ ଉଡିଯାଇଥିଲା। ତେବେ ବର୍ତ୍ତମାନ ଯୁବତୀ ଜଣଙ୍କର ଅବସ୍ଥାର ସଙ୍କଟାପନ୍ନ ଥିବା ଜଣାପଡିଛି। ଅନୁମଣ୍ଡଳ ହସ୍ପିଟାଲରେ ତାଙ୍କର ପ୍ରାଥମିକ ଚିକିତ୍ସା ପରେ ପିଏମସିଏଚକୁ ଅଧିକ ଚିକିତ୍ସା ପାଇଁ ରେଫର କରିଛନ୍ତି ଡାକ୍ତର। ନେଇ ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ଏହା ବି ପଢନ୍ତୁ...ସମ୍ବଲପୁରରେ ଗୁଳିମାଡ: ପୂର୍ବତନ ସ୍ତ୍ରୀର ପ୍ରେମିକକୁ ଗୁଳି କରି ସ୍ବାମୀ ଫେରାର୍
ଏହା ବି ପଢନ୍ତୁ...ସ୍ବାମୀ ସାଜିଲା ସଇତାନ, ସ୍ତ୍ରୀକୁ ମାରି ଜଙ୍ଗଲରେ ଫିଙ୍ଗିଦେଲା
ତେବେ ଏହା ଏକ ପ୍ରେମ ଜନିତ ବ୍ୟାପାର ହୋଇଥିବା ସନ୍ଦେହ କରୁଛି ପୋଲିସ । ପ୍ରେମ ଜନିତ କୌଣସି କାରଣକୁ ନେଇ ଯୁବକ ଏଭଳି କାଣ୍ଡ ଭିଆଇଥିବା କୁହାଯାଉଛି । ପ୍ରତ୍ୟକ୍ଷଦର୍ଶୀଙ୍କ ସମେତ ଗ୍ରାମବାସୀଙ୍କୁ ଏ ସମ୍ପର୍କରେ ଅଧିକ ପଚରାଉଚରା କରିବା ସହ ତଦନ୍ତ ଚଳାଇଛି ପୋଲିସ । ପୀଡିତା ସୁସ୍ଥ ହେବା ପରେ ତାଙ୍କ ବୟାନ ମଧ୍ୟ ରେକର୍ଡ କରାଯିବ ବୋଲି ପୋଲିସ ପକ୍ଷରୁ କୁହାଯାଇଛି । ପ୍ରକୃତରେ କେଉଁ କାରଣକୁ ନେଇ ଏଭଳି ଗୁଳିକାଣ୍ଡ ହୋଇଛି ତାହା ତଦନ୍ତ ପରେ ଖୁବଶୀଘ୍ର ଜଣାପଡିବ ବୋଲି କହିଛି ପୋଲିସ। ତେବେ ଯୁବତୀଙ୍କ ସହ ସଂପୃକ୍ତ ଯୁବକର ପ୍ରେମ ସମ୍ପର୍କ ରହିଥିଲା ନା ଏହା ଏକତରଫା ପ୍ରେମ ଥିଲା ତାହା ତଦନ୍ତ ପରେ ସ୍ପଷ୍ଟ ହେବ।
