ନୂଆଦିଲ୍ଲୀ: ଜାତୀୟ ରାଜଧାନୀ ଦିଲ୍ଲୀର ଚାନ୍ଦିନୀ ଚୌକ ଅଞ୍ଚଳରେ ଅଘଟଣ । ଚାନ୍ଦିନୀ ଚୌକର ଲାଜପତ ରାୟ ମାର୍କେଟରେ ଆଜି ଭୀଷଣ ଅଗ୍ନିକାଣ୍ଡ ଘଟିଛି(Fire breaks out at Lajpat Rai Market in Delhi) । ନିଆଁକୁ ଆୟତ୍ତ କରିବାକୁ ୧୩ଟି ଦମକଳ ବାହିନୀ ଘଟଣାସ୍ଥଳରେ ନିୟୋଜିତ ଅଛନ୍ତି । ଆଜି(ଗୁରୁବାର) ବଡି ଭୋର୍ ସମୟରେ ଏହି ଅଘଟଣ ଘଟିଥିବା ସୂଚନା ମିଳିଛି ।
ନିଆଁ ଏତେ ପ୍ରଖର ଥିଲା ଯେ ଏଥିରେ ମାର୍କେଟର ବହୁ ଆସବାବପତ୍ର ପୋଡି ଜଳି ପାଉଁଶ ପାଲଟି ଯାଇଛି । ତେବେ ଏଥିରେ କେହି ମୃତାହତ ହୋଇଥିବା ନେଇ ଏ ଯାଏଁ କୌଣସି ସୂଚନା ହସ୍ତଗତ ହୋଇନାହିଁ । ସେହିପରି ମାର୍କେଟରେ କିପରି ନିଆଁ ଲାଗିଲା ସେ ସମ୍ପର୍କରେ ମଧ୍ୟ କିଛି ସ୍ପଷ୍ଟ ହୋଇନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
