ଲକ୍ଷ୍ନୌ: ଗାଜିଆବାଦର ଭୋପୁରାର ଏକ ବସ୍ତି ଅଞ୍ଚଳରେ ଭୟଙ୍କର ଅଗ୍ନିକାଣ୍ତ । ନିଆଁ ଲିଭାଇବା ପାଇଁ ଘଟଣାସ୍ଥଳରେ 8ଟି ଦମକଳ ଗାଡି ନିୟୋଜିତ କରାଯାଇଛି । ଅଗ୍ନିଶମ ବିଭାଗର ଅଧିକାରୀ ସୁନୀଲ କୁମାରଙ୍କ ଅନୁଯାୟୀ ବର୍ତ୍ତମାନ ନିଆଁକୁ ଆୟତ୍ତ କରାଯାଇଛି । ତେବେ, କେଉଁ କାରଣରୁ ନିଆଁ ଲାଗିଛି ତାହା ଏପର୍ଯ୍ୟନ୍ତ ଜଣାପଡି ନାହିଁ ।
ସୂଚନା ଅନୁସାରେ, ଗତକାଲି(ଶନିବାର) ମଧ୍ୟରାତ୍ରୀରେ ଏହି ନିଆଁ ଲାଗିଥିଲା, ଯେତେବେଳେ ସମସ୍ତ ବସ୍ତି ବାସିନ୍ଦା ଶୋଇଥିଲେ । ଖବରପାଇ ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁ ଲିଭା କାର୍ଯ୍ୟ କରୁଛି । ତେବେ ସମସ୍ତେ ଶୋଇଥିବା ସମୟରେ ଏହି ନିଆଁ ଲାଗିଥିବାରୁ ଲକ୍ଷ ଲକ୍ଷ ଟଙ୍କାର ସମ୍ପତ୍ତି ପୋଡ଼ି ପାଉଁଶ ହୋଇଯାଇଛି । ଅଗ୍ନିଶମ କର୍ମଚାରୀ ଅନେକ ଲୋକଙ୍କୁ ସୁରକ୍ଷିତ ଭାବେ ସ୍ଥାନାନ୍ତର କରିଛନ୍ତି । ତେବେ ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣା ପଡିନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
