ହୁତୁହୁତୁ ହୋଇ ଜଳିଲା ୬୦ ମହଲା କୋଠା

ମୁମ୍ବାଇର ଏକ ବହୁତଳ ପ୍ରାସାଦରେ ଭୟାବହ ଅଗ୍ନିକାଣ୍ଡ ଘଟିଛି । ସଟସର୍କିଟ ଯୋଗୁଁ ଏହି ଅଘଟଣ ଘଟିଥିବା ସନ୍ଦେହ କରାଯାଉଛି । ଅଧିକ ପଢନ୍ତୁ

ମୁମ୍ବାଇ: ବାଣିଜ୍ୟ ନଗରୀ ମୁମ୍ବାଇର ଏକ ବହୁତଳ ପ୍ରାସାଦରେ ଭୟାବହ ଅଗ୍ନିକାଣ୍ଡ ଘଟିଛି । ଗୋଟିଏ ୬୦ ମହଲା ବିଶିଷ୍ଟ ବିଲ୍ଡିଂର ୩୫ ମହଲାରେ ନିଆଁ ଲାଗିଯାଇଛି । ଖବର ପାଇ ମୁମ୍ବାଇ ପୋଲିସ ଓ ଦମକଳ ଗାଡି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରୁଛି । ସର୍କି ସର୍କିଟ ଯୋଗୁଁ ବିଲ୍ଡିଂରେ ଅଗ୍ନିକାଣ୍ଡ ଘଟିଥିବାର ସନ୍ଦେହ କରାଯାଉଛି (Fire breaks out at multi storey building) । ଏଥିରେ କେହି ମୃତାହତ ହୋଇଥିବାର କୌଣସି ସୂଚନା ନାହିଁ । ତେବେ ଏହି ଉଚ୍ଚ ଅଟ୍ଟାଳିକାରେ ନିଆଁ ଲାଗିବା ଏହା ପ୍ରଥମ ଘଟଣା ନୁହେଁ, ଗତବର୍ଷ ମଧ୍ୟ ଏଠାରେ ଅଗ୍ନିକାଣ୍ଡ ହୋଇଥିଲା ।

ସୂଚନା ମୁତାବକ, ସେଣ୍ଟ୍ରାଲ ମୁମ୍ବାଇ କରି ରୋଡ ସ୍ଥିତ ୬୦ ମହଲା ବିଶିଷ୍ଟ ଅଭିଘନା ପାର୍କ ବିଲ୍ଡିଂରେ ନିଆଁ ଲାଗିଛି । ବିଲ୍ଡିର ୩୫ ମହଲା ହୁତୁହୁତୁ ହୋଇ ଜଳୁଥିବାର ଦେଖାଯାଇଛି । ଆଜି ଦିନ ପ୍ରାୟ ୧୦ଟା ୪୫ଟା ସମୟରେ ଏହି ଅଗ୍ନିକାଣ୍ଡ ଘଟିଛି । ବର୍ତ୍ତମାନ ଘଟଣାସ୍ଥଳରେ ଦମକଳ ବାହିନୀ ନିଆଁ ଲିଭାଇବାକୁ ପ୍ରୟାସ କରୁଛି । ବିଲ୍ଡିଂର ଫାୟାର ସେଫ୍ଟି ସିଷ୍ଟମ କାମ କରୁନଥିବାରୁ ଗତବର୍ଷ ଏଠାରେ ଅଗ୍ନିକାଣ୍ଡ ଘଟିଥିବା ଜଣାପଡିଥିଲା । ଯେଉଁଥରେ ଜଣେ ବ୍ୟକ୍ତିର ମୃତ୍ୟୁ ହୋଇଥିଲା । ନିଆଁ ଲାଗିବା ଦେଖି ଭୟରେ ସେହି ବ୍ୟକ୍ତି ଛାତରୁ ତଳକୁ ଡେଇଁ ପଡିଥିଲେ । ଗୋଟିଏ ବର୍ଷ ବ୍ୟବଧାନରେ ପୁଣିଥରେ ଏହି ଅଘଟଣ ଘଟିଛି ।