ନୂଆଦିଲ୍ଲୀ: ଦେଶର ରାଜଧାନୀ ନୂଆଦିଲ୍ଲୀର ଆନନ୍ଦ ପର୍ବତ ଶିଳ୍ପାଞ୍ଚଳରେ (Anand Parvat Industrial Area) ଭୟାବହ ଅଗ୍ନିକାଣ୍ତ । ଏ ଅଗ୍ନିକାଣ୍ତର ୬ ଜଣ ଅଗ୍ନିଶମ କର୍ମଚାରୀ ଆହତ ହୋଇଥିବା ସୂଚନା ମିଳିଛି । ସେମାନଙ୍କୁ ଚିକିତ୍ସା ପାଇଁ ଉଦ୍ଧାର କରି ମେଡିକାଲରେ ଭର୍ତ୍ତି କରାଯାଇଛି । ଏଥିରେ କେହି ମୃତାହତ ହୋଇ ନଥିବା ସୂଚନା ମିଳିଛି । ତେବେ ନିଆଁ ଲାଗିବାର ପ୍ରକୃତ କାରଣ ଜଣାପଡିନାହିଁ ।
ସୂଚନା ଅନୁସାରେ, ଆନନ୍ଦ ପଭାତ ଶିଳ୍ପାଞ୍ଚଳରେ କୈଣସି କାରଣରୁ ନିଆଁ ଲାଗିଯାଇଥିଲା । ଫଳରେ ନିଆଁ ଲାଗିବା ଦେଖି ସ୍ଥାନୀୟ ଲୋକେ ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିକାଣ୍ତର ଭୟାବହତା ଅଧିକ ଥିବାରୁ ଘଟଣାସ୍ଥଳରେ ନିଆଁଲିଭା କାର୍ଯ୍ୟରେ ୧୦ଟି ଦମକଳ ଗାଡି ନିୟୋଜିତ ହୋଇଥିଲା । ହେଲେ ଏହି ସମୟରେ ନିଆଁ ଲିଭାଉଥିବା ବେଳେ ଅଗ୍ନିଶମ କର୍ମଚାରୀ ଆହତ ହୋଇପଡିଥିଲେ ।
ସେପଟେ, ଆଜାଦ ବଜାର ଅଞ୍ଚଳରେ ଥିବା ପାଞ୍ଚଟି ଦୋକାନରେ ନିଆଁ ଲାଗି ଭସ୍ମିଭୂତ ହୋଇଯାଇଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା । ଦିଲ୍ଲୀ ଅଗ୍ନିଶମ ବିଭାଗର ଡିଭିଜନାଲ ଫାୟାର ଅଫିସର ରାଜିନ୍ଦର ଅଟୱାଲ କହିଛନ୍ତି ଯେ ଆଜି ଆଜାଦ ମାର୍କେଟର କିଛି ଦୋକାନରେ ଅଗ୍ନିକାଣ୍ଡ ହୋଇଥିଲା । 20ଟି ଦମକଳ ଗାଡି ନିଆଁ ଲିଭାଇବାରେ ନିୟୋଜିତ ହୋଇଥିଲା ।
@ANI
