ହାଇଦ୍ରାବାଦ: ସିକନ୍ଦରାବାଦ କ୍ଲବରେ ଅଗ୍ନିକାଣ୍ଡ । ଅଗ୍ନିକାଣ୍ଡରେ କୋଟି କୋଟି ଟଙ୍କାର ଜିନିଷ ପୋଡ଼ି ପାଉଁଶ ହୋଇଯାଇଛି । ଭୋର 3ଟାରେ ସିକନ୍ଦରାବାଦ କ୍ଲବରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଥିବା ସୂଚନା । ଅଗ୍ନିକାଣ୍ଡର ସୂଚନା ପାଇବା ପରେ ଘଟଣାସ୍ଥଳରେ 7ଟି ଦମକଳ ଗାଡି ପହଞ୍ଚିଥିଲା । ଦୀର୍ଘ 4 ଘଣ୍ଟା ପରେ ନିଆଁକୁ ଆୟତ୍ତ କରାଯାଇଥିଲା । ମକର ସଂକ୍ରାନ୍ତି ପାଇଁ ଗତକାଲି କ୍ଲବଟି ବନ୍ଦ ଥିଲା । ତେବେ କେଉଁ କାରଣରୁ ଏହି ଅଗ୍ନିକାଣ୍ଡ ଘଟିଛି ଜଣାପଡିନାହିଁ ।
ସିକନ୍ଦରାବାଦ କ୍ଲବରେ ବଡ ଧରଣର ଅଗ୍ନିକାଣ୍ଡ, କୋଟି କୋଟି ଟଙ୍କାର ସମ୍ପତ୍ତି ପାଉଁଶ
ସୂଚନା ଥାଉକି, 1878 ମସିହାରେ ବ୍ରିଟିଶ ଶାସନରେ ସାମରିକ ଅଧିକାରୀଙ୍କ ପାଇଁ ଏହି କ୍ଲବ ନିର୍ମାଣ କରାଯାଇଥିଲା । ଏହି କ୍ଲବଟି ପ୍ରାୟତଃ 20 ଏକର ଜମିରେ ନିର୍ମାଣ କରାଯାଇଥିଲା । 2017 ମସିହାରେ କେନ୍ଦ୍ର ସରକାର ଏହାକୁ ଏକ ଭାରତୀୟ ହେରିଟେଜ୍ ସାଇଟ୍ ଭାବେ ସ୍ବୀକୃତି ପ୍ରଦାନ କରିଥିଲେ । ଏହି କ୍ଲବରେ 250 ନିୟମିତ କର୍ମଚାରୀ ଏବଂ 100 ଚୁକ୍ତିଭିତ୍ତିକ କର୍ମଚାରୀ କାର୍ଯ୍ୟ କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
