ଅମୃତସର ସ୍ବର୍ଣ୍ଣ ମନ୍ଦିରରେ ନିକଟରେ ବିସ୍ଫୋରଣ, ଅନେକ ଆହତ

ପଞ୍ଜାବ ଅମୃତସର ସ୍ବର୍ଣ୍ଣ ମନ୍ଦିର ନିକଟରେ କିଛି ଆତତାୟୀ ବିସ୍ଫୋରଣ ଘଟାଇଛନ୍ତି । ଏଥିରେ ଅନେକ ଆହତ ହୋଇଥିବା ସୂଚନା ମିଳିଛି । ଅଧିକ ପଢନ୍ତୁ

ଚଣ୍ଡିଗଡ: ସ୍ବର୍ଣ୍ଣ ମନ୍ଦିର ନିକଟରେ ବିସ୍ଫୋରଣ । ପଞ୍ଜାବ ଅମୃତସର ସ୍ବର୍ଣ୍ଣ ମନ୍ଦିର ଦରବାର ସାହିବ ନିକଟରେ ଶନିବାର ବିଳମ୍ବିତ ରାତିରେ ବିସ୍ଫୋରଣ ହୋଇଛି । ବିସ୍ଫୋରଣରେ ଅନେକ ଲୋକ ଆହତ ହୋଇଛନ୍ତି । ସମସ୍ତ ଆହତଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି । ଘଟଣାର ଖବର ପାଇ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରାଯାଇଛି । ବୋମା ବିସ୍ଫୋରଣ ହୋଇଥିବା ଅନୁମାନ କରାଯାଉଥିବା ବେଳେ ପୋଲିସ ଏହାକୁ ଅସ୍ବୀକାର କରିଛି ।

ଘଟଣାସ୍ଥଳରେ ଉପସ୍ଥିତ ଲୋକଙ୍କ ସୂଚନା ଅନୁସାରେ, ଅଚାନକ ବିସ୍ଫୋରଣ ହୋଇଥିଲା । ନିଆଁ ଲାଗିଯାଇଥିବା ଦେଖିବାକୁ ମିଳିଥିଲା । କାଚ ଗୁଣ୍ଡ ଆଘାତରେ ଅନେକ ଲୋକ ଆହତ ହୋଇଛନ୍ତି । ସେମାନଙ୍କୁ ତୁରନ୍ତ ଚିକିତ୍ସାଳୟରେ ଭର୍ତ୍ତି କରାଯାଇଛି । ବିଶ୍ରାମ ନେଉଥିବା କିଛି ତୀର୍ଥଯାତ୍ରୀ ଏବଂ ବାହାରୁ ଆସିଥିବା ଶ୍ରଦ୍ଧାଳୁ କହିଛନ୍ତି, ଅଚାନକ ଧମାକା ହୋଇଥିଲା । କେହି କିଛି ବୁଝିବା ଆଗକୁ ଜୀବନ ବଞ୍ଚାଇବାକୁ ଏଣେତେଣେ ଦୌଡିବାକୁ ଲାଗିଥିଲେ । ପଥମ ଓ କାଚ ଦ୍ବାରା କିଛି ଲୋକଙ୍କୁ ଆଘାତ ଲାଗିଛି । ବିସ୍ଫୋରଣ କାରଣକୁ କିଛି ସମୟ ପାଇଁ ସ୍ଥାନୀୟ ଅଞ୍ଚଳ ଧୂଆଁମୟ ହୋଇଥିଲା । କିଛି ସମୟ ଯାଏ କିଛି ସ୍ଫଷ୍ଟ ଦେଖାଯାଇନଥିଲା ।

ଅନ୍ୟଜଣେ ତୀର୍ଥଯାତ୍ରୀ କହିଛନ୍ତି, ହଠାତ୍‌ ବିସ୍ଫୋରଣ ହୋଇଥିଲା । ଏହା ପରେ ଧୂଆଁ ବଢିବାକୁ ଲାଗିଥିଲା । ଆମେ କିଛି ବୁଝି ପାରି ନଥିଲୁ । ଗ୍ୟାସ ଟାଙ୍କି ବିସ୍ଫୋରଣ ନଚେତ ବୋମା ବିସ୍ଫୋରଣ ହୋଇଥିବା ଅନୁମାନ କରୁଛୁ ।'' ତେବେ ଏହି କାଣ୍ଡ କିଏ ଓ କାହିଁକି ଘଟାଇଛି ସେ ନେଇ କୌଣସି ସୂଚନା ମିଳିନାହିଁ । ପୋଲିସ ବୋମା ବିସ୍ଫୋରଣ ହୋଇଥିବା କଥାକୁ ଅସ୍ବୀକାର କରିବା ସହ ଘଟଣାର ତଦନ୍ତ ଆରମ୍ଭ କିରିଛି ।

ଏସିପି ଘଟଣାସ୍ଥଳରେ ପହଞ୍ଚି ଗଣମାଧ୍ୟମକୁ ସୂଚନା ଦେଇ କହିଛନ୍ତି, '' ବୋମା ବିସ୍ଫୋରଣ ହୋଇନାହିଁ । ଦରବାର ସାହିବ ପାର୍କିଂ ଅଞ୍ଚଳରେ କିଛି କାଚଗୁଣ୍ଡ ପଡିଛି । ନିକଟରେ ଥିବା ଏକ ହୋଟେଲରେ ଚିମିନି ଗରମ ଅଛି ସେଥିରୁ ଗ୍ୟାସ ବାହାରୁଛି । କିଛି କାଚ ଗୁଣ୍ଡ ମଧ୍ୟ ପଡିଛି । ସେଇଠୁ ବିସ୍ଫୋରଣ ହୋଇଥିବା ଅନୁମାନ କରାଯାଉଛି । ଭୟଭୀତ ହେବାର କିଛି ଅବଶ୍ୟକତା ନାହିଁ ।''