ହାଇଦ୍ରାବାଦ: ଶିଶୁମାନଙ୍କୁ ଏକ ନୂତନ ମନୋରଞ୍ଜନ ପ୍ଲାଟଫର୍ମ ପ୍ରଦାନ କରୁଥିବା ETV ନେଟୱାର୍କ ଦ୍ୱାରା ପରିଚାଳିତ ETV ବାଲ ଭାରତ(ETV Bal Bharat)କୁ ସମ୍ମାନଜନକ ANN ପୁରସ୍କାରରେ ସମ୍ମାନିତ କରାଯାଇଛି । ଚ୍ୟାନେଲର ଅନେକ କାର୍ଯ୍ୟକ୍ରମକୁ ଉତ୍କର୍ଷତା ପାଇଁ ପ୍ରଶଂସା କରାଯାଇଛି । 26 ଅଗଷ୍ଟରେ ଏହି ପୁରସ୍କାର ମୁମ୍ବାଇରେ ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ଦେଶର ସମସ୍ତ ଅଗ୍ରଣୀ ଶିଶୁଙ୍କ ମନୋରଞ୍ଜନ ଧର୍ମୀ କାର୍ଯ୍ୟକ୍ରମ ପ୍ରସାରଣକାରୀ ଏବଂ ଅଗ୍ରଣୀ ଆନିମେସନ୍ ହାଉସ୍ ଯୋଗ ଦେଇଥିଲେ ।
ଏହି କାର୍ଯ୍ୟକ୍ରମର ଆୟୋଜନ କେବଳ ଆନିମେସନ ପ୍ରୋଗ୍ରାମ ପାଇଁ ଉଦ୍ଦିଷ୍ଟ ଥିଲା । ଭାରତରେ ଏହା ହେଉଛି ପ୍ରଥମ ପ୍ରିମିୟମ୍ ଆଓ୍ବାର୍ଡ, ଯେଉଁଠାରେ ଏହି କ୍ଷେତ୍ରରେ ଶ୍ରେଷ୍ଠ ପ୍ରଦର୍ଶନକାରୀଙ୍କୁ ସମ୍ମାନିତ କରାଯାଇଥିଲା । ଏହି ବର୍ଗରେ ଇଟିଭି ବାଲ ଭରତ(ETV Bal Bharat) ପୁରସ୍କୃତ ହୋଇଛି ।
ଅଗଷ୍ଟ 26 ରେ ମୁମ୍ବାଇର ସାହାରା ଷ୍ଟାର ହୋଟେଲରେ ଏହି ଆଓ୍ବାର୍ଡ ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ଭାରତର ସମସ୍ତ ଅଗ୍ରଣୀ ଶିଶୁଙ୍କ ମନୋରଞ୍ଜନ ଧର୍ମୀ କାର୍ଯ୍ୟକ୍ରମ ପ୍ରସାରଣକାରୀ ଏବଂ ଅଗ୍ରଣୀ ଆନିମେସନ୍ ହାଉସ୍ ଯୋଗ ଦେଇଥିଲେ । ETV ବାଲ ଭାରତ ହେଉଛି ETV ନେଟୱାର୍କ ଦ୍ୱାରା ପରିଚାଳିତ ଏକ କାର୍ଟୁନ୍ ଚ୍ୟାନେଲ୍, ଯାହା ମୁଖ୍ୟତ ଛୋଟ ପିଲାମାନଙ୍କ ପାଇଁ ମନୋରଞ୍ଜନ ଧର୍ମୀ କାର୍ଯ୍ୟକ୍ରମ ପ୍ରସ୍ତୁତ କରିଥାଏ ।
ଇଟିଭି ବାଲ ଭାରତକୁ 2021 ମସିହା ଏପ୍ରିଲ 27 ତାରିଖରେ ହିନ୍ଦୀ ଏବଂ ଇଂରାଜୀ ସମେତ 12 ଟି ଭାଷାରେ ଲଞ୍ଚ କରାଯାଇଥିଲା । ଏହି ଚ୍ୟାନେଲଟି ଇଂରାଜୀ, ଆସାମୀ, ବଙ୍ଗାଳା, ଗୁଜରାଟୀ, କନ୍ନଡ, ମାଲାୟାଲମ୍, ମରାଠୀ, ଓଡିଆ, ପଞ୍ଜାବୀ, ତାମିଲ ଏବଂ ତେଲୁଗୁ ଭାଷାରେ ଉପଲବ୍ଧ ହେବା ସହ ଏକାଧିକ ଶିଶୁ ମନୋରଞ୍ଜନ ଧର୍ମୀ କାର୍ଯ୍ୟକ୍ରମ ପ୍ରସାରିତ କରିଆସୁଛି ।
କେଉଁ ବର୍ଗରେ ପୁରସ୍କୃତ ହୋଇଛି ଇଟିଭି ବାଲ ଭାରତ:-
- ସର୍ବୋତ୍ତମ ପ୍ରି-ସ୍କୁଲ୍ ଶୋ
- ଆନିମେସନ ଉତ୍କୃଷ୍ଟ ବ୍ୟବହାର
- ପୁସ-ଅପ୍ ଚ୍ୟାଲେଞ୍ଜ
- ସୋସିଆଲ ମିଡିଆ ପୁରସ୍କାର
- ସର୍ବୋତ୍ତମ ଆନିମେସନ୍ ଗୀତ
- ଅଭିମନ୍ୟୁ ଦି ୟଙ୍ଗ ୱାରିଅର୍ କାର୍ଯ୍ୟକ୍ରମ
ବ୍ୟୁରୋ ରିପୋର୍ଟ, ଇଟିଭି ଭାରତ
