ଶ୍ରୀନଗର: ଜମ୍ମୁକାଶ୍ମୀରର ଶ୍ରୀନଗରରେ ଏନକାଉଣ୍ଟର । ସୁରକ୍ଷାକର୍ମୀଙ୍କ ଗୁଳିରେ ଜଣେ ଆତଙ୍କୀ ନିହତ ହୋଇଥିବା କାଶ୍ମୀର ପୋଲିସ ପକ୍ଷରୁ ସୂଚନା । ଆଜି ସକାଳ ସମୟରେ ଶ୍ରୀନଗର ଖାନିଆର ବିଶମ୍ବବର୍ଣ୍ଣନଗର ଅଞ୍ଚଳରେ ସୁରକ୍ଷାକର୍ମୀ ଏବଂ ଆତଙ୍କୀଙ୍କ ମଧ୍ୟରେ ଏନକାଉଣ୍ଟର ଆରମ୍ଭ ହୋଇଥିଲା । ଏଥିରେ ଜଣେ ଆତଙ୍କୀର ମୃତ୍ୟୁ ହୋଇଥିବା ବେଳେ ପରିଚୟ ଏପର୍ଯ୍ୟନ୍ତ ଅସ୍ପଷ୍ଟ ରହିଛି ।
ଏହା ମଧ୍ୟ ପଢନ୍ତୁ:-Encounter In J&K: ସୁରକ୍ଷାକର୍ମୀଙ୍କ ଗୁଳିରେ ୨ ଆତଙ୍କୀ ନିପାତ
ସୂଚନା ଅନୁଯାୟୀ ଆଜି ସକାଳେ ବିଶମ୍ବବର୍ଣ୍ଣନଗର ଅଞ୍ଚଳରେ ଆତଙ୍କୀ ଲୁଚିରଥିବା ନେଇ ଏକ ବିଶେଷସୁତ୍ରରୁ ଖବର ମିଳିବାପରେ ସର୍ଚ୍ଚ ଅପରେସନ ଆରମ୍ଭ କରିଥିଲା ସୁରକ୍ଷାକର୍ମୀ । ଏହି ସମୟରେ ଉଭୟଙ୍କ ମଧ୍ୟରେ ଗୁଳିବିନିମୟ ଆରମ୍ଭ ହୋଇଥିଲା । ଏନେଇ ଅଧିକ ସୂଚନାକୁ ଅପେକ୍ଷା କରାଯାଇଛି । ଗତକାଲି ମଧ୍ୟ ଜମ୍ମୁ କାଶ୍ମୀରର ୨ଟି ସ୍ଥାନ ଅନନ୍ତନାଗ ଓ କୁଲଗାମରେ ସୁରକ୍ଷା କର୍ମୀ ଏବଂ ଆତଙ୍କୀଙ୍କ ମଧ୍ୟରେ ଏନକାଉଣ୍ଟର ୨ ଆତଙ୍କୀ ନିହତ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
