ମୁମ୍ବାଇ: କ୍ରୁଜ ଡ୍ରଗ୍ସ ପାର୍ଟି ମାମଲା । ଜେଲରୁ ବାହାରିଲେ ଅରବାଜ ମର୍ଚାଣ୍ଟ । ଡ୍ରଗ୍ସ ପାର୍ଟି ମାମଲାର ଅନ୍ୟତମ ଅଭିଯୁକ୍ତ ଅରବାଜ ଆଜି(ରବିବାର) ଆର୍ଥର ରୋଡ ଜେଲରୁ ମୁକୁଳିଛନ୍ତି । ପୂର୍ବରୁ ଏହି ମାମଲାରେ ଶାହାରୁଖ ଖାନଙ୍କ ପୁଅ ଆର୍ଯ୍ୟନଙ୍କୁ ବେଲ୍ ମିଳିବା ପରେ ଆଜି ସେ ଜେଲରୁ ବାହାରିଥିଲେ ।
ଏନେଇ ଅରବାଜଙ୍କ ପିତା ଗଣମାଧ୍ୟମକୁ କହିଛନ୍ତି, ମୁଁ ଆଜି ବହୁତ ଖୁସି । ଆଜି ଆମ ପୁଅ ଘରକୁ ଆସିଥିବାରୁ ତା' ମାଆ ମଧ୍ୟ ସବୁଠୁ ଖୁସି । ଭଗବାନଙ୍କ ନିକଟରେ ଆମ ପ୍ରାର୍ଥନା ଶେଷରେ ପୂରଣ ହୋଇଛି ।
ଉଲ୍ଲେଖଯୋଗ୍ୟ, ମୁମ୍ବାଇ କ୍ରୁଜ ଡ୍ରଗ୍ସ ମାମଲାରେ ଗିରଫ ହୋଇଥିବା ଆର୍ଯ୍ୟନ ଖାନ, ଅରବାଜ ମର୍ଚାଣ୍ଟ ଏବଂ ମୁନମୁନ ଧମେଚାଙ୍କୁ ଗୁରୁବାର କୋର୍ଟରୁ ସର୍ତ୍ତମୂଳକ ଜାମିନ ମିଳିଛି । ପ୍ରତ୍ୟେକ ଶୁକ୍ରବାର ସେମାନଙ୍କୁ ମୁମ୍ବାଇ NCB ଅଫିସରେ ହାଜର ହେବାକୁ କୋର୍ଟ ନିର୍ଦ୍ଦେଶ ରହିଛି ।
@ANI
