ମୁମ୍ବାଇ: ପ୍ରତିଦିନ ମହାରାଷ୍ଟ୍ର ମନ୍ତ୍ରୀ ନୱାବ ମଲିକଙ୍କ ଆକ୍ଷେପକୁ ନେଇ ମଧ୍ୟ ଅତିଷ୍ଠ NCB । ନୱାବଙ୍କ ବାରମ୍ବାର ଅଭିଯୋଗ ପରେ ମୁମ୍ବାଇ ଏନସିବି ଜୋନ ଏହାର ଜବାବ ରଖିଛି । ନୱାବ କରୁଥିବା ସମସ୍ତ ଅଭିଯୋଗର ପ୍ରମାଣ ମାଗିବା ସହ ସେ କାହିଁକି କୋର୍ଟଙ୍କ ଦ୍ବାରସ୍ଥ ହେଉନାହାନ୍ତି ବୋଲି NCB ପ୍ରଶ୍ନ କରିଛି ।
ସମୀର ୱାଙ୍ଖଡେ ଦୁବାଇ ଓ ମାଲଦ୍ୱୀପ ଯାଇଥିଲେ ବୋଲି ନଓ୍ବାବ ଯେଉଁ ଅଭିଯୋଗ କରୁଛନ୍ତି, ତା’ର ପ୍ରମାଣ ଦିଅନ୍ତୁ । ଏଥିସହ ବିଜେପି ନେତା ମୋହିତ କମ୍ବୋଜଙ୍କ ସହ ଯଦି ୱାଙ୍ଖଡେ କଥା ହୋଇଥିବା ଅଭିଯୋଗ କରୁଛନ୍ତି ତେବେ ଏହାର ମଧ୍ୟ ପ୍ରମାଣ ଦିଅନ୍ତୁ ବୋଲି କହିଛି ଏନସିବି । ଏନ୍ସିବି ଆହୁରି କହିଛି ଯେ, ଯଦି ପ୍ରମାଣ ଅଛି ଏତେ ସବୁ ଅଭିଯୋଗ କରିବା ବଦଳରେ ନୱାବ କାହିଁକି କୋର୍ଟ ଯାଉନାହାନ୍ତି ।
ଏହା ମଧ୍ୟ ପଢନ୍ତୁ:-ପୁଣି ନୱାବଙ୍କ ବିସ୍ଫୋରକ ବୟାନ: ଆର୍ଯ୍ୟନଙ୍କୁ ଗିରଫ ନୁହେଁ, ଅପହରଣ ହୋଇଥିଲା
ତେବେ ଗତକାଲି(ଶନିବାର) କ୍ରୁଜ ଡ୍ରଗ ପାର୍ଟି ମାମଲାରେ ବିଜେପି ନେତା ସୁନୀଲ ପାଟେଲଙ୍କୁ ମାଷ୍ଟର ମାଇଣ୍ଡ ବୋଲି ଅଭିଯୋଗ କରିଥିଲେ ନଓ୍ବାବ। ସୁନୀଲ ଏକ ବଡ ହୋଟେଲରେ କରିଥିବା ସୁଟ୍ ବୁକରେ କେଉଁ ନେତାମାନେ ଯୋଗ ଦେଇଥିଲେ ନୱାବ ମଲିକ ଏହାର ଉତ୍ତର ଦିଅନ୍ତୁ ବୋଲି ବିଜେପି ନେତା ମୋହିତ କମ୍ବୋଜ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
