ନୂଆଦିଲ୍ଲୀ: ନିର୍ବାଚନ ପୂର୍ବରୁ ପୁଣି ତୃଣମୂଳ କଂଗ୍ରେସକୁ ଲାଗିଛି ବଡ ଝଟକା । ବିଜେପିରେ ସାମିଲ ହେଲେ ତୃଣମୂଳ କଂଗ୍ରେସ(ଟିଏମସି)ର ପୂର୍ବତନ ସାଂସଦ ଦିନେଶ ତ୍ରିବେଦୀ । ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଓ କେନ୍ଦ୍ର ମନ୍ତ୍ରୀ ପିୟୂଷ ଗୋଏଲଙ୍କ ଉପସ୍ଥିତିରେ ଦଳରେ ସାମିଲ ହୋଇଛନ୍ତି ଦିନେଶ । ଗତ ଫେବୃୟାରୀ 12 ତାରିଖରେ ରାଜ୍ୟସଭାରେ ଭାଷଣ ଦେବା ସମୟରେ ଟିଏମସ ଛାଡିଥିଲେ ମମତା ବାନାର୍ଜୀଙ୍କ ବିଶ୍ବସ୍ତ ସହଯୋଗୀ ଦିନେଶ ତ୍ରିବେଦୀ ।
ବିଜେପିରେ ମିଶିବା ପରେ ଦିନେଶଙ୍କ ସମ୍ବୋଧନ । ଦେଶ ଆମ ପାଇଁ ସର୍ବୋପରି । ପୁରା ବିଶ୍ବର ନଜରରେ ରହିଛି ଭାରତ । ଜନତାଙ୍କ ପରିବାରେ ସାମିଲ ହୋଇଛି । ବିଜେପିରେ ମିଶି ବେଶ ଖୁସି ହୋଇଥିବାବେଳେ ପ୍ରଧାନମନ୍ତ୍ରୀ, ଗୃହମନ୍ତ୍ରୀ ବିଜେପି ଅଧ୍ୟକ୍ଷଙ୍କୁ ଧନ୍ୟବାଦ ଜଣାଇଥିଲେ ।
ସେ ଆହୁରି କହିବାକୁ ଯାଇ ମମତାଙ୍କୁ ଟାର୍ଗେଟ କରିଥିଲେ । ବଙ୍ଗଳାବାସୀ ଟିଏମସିକୁ ପ୍ରତ୍ୟାଖ୍ୟାନ କରିଛନ୍ତି । ବଙ୍ଗଳାରେ ହିଂସା, ଭ୍ରଷ୍ଟାଚାର ନୁହେଁ ବିକାଶ ଚାହୁଁଛି । ରାଜନୀତି କୌଣସି ଖେଳ ନୁହେଁ ଏକ ଗମ୍ଭୀର ବିଷୟ । ଏହାକୁ ଖେଳିନା ଭାବି ସେ (ମମତା) ଆଦର୍ଶ ଭୁଲି ଯାଇଛନ୍ତି ।
ସେପଟେ, ବିଜେପିରେ ଦିନେଶ ଯୋଗଦାନ କରିଥିବାରୁ ଖୁସି ବ୍ୟକ୍ତ କରିଛନ୍ତି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା । ଦିନେଶ ଜଣେ ଭଲ ବ୍ୟକ୍ତି ହୋଇଥିବାବେଳେ ଏକ ଭୁଲ ଦଳରେ ରହିଥିଲେ । କିନ୍ତୁ ବର୍ତ୍ତମାନ ସେ ସଠିକ ଦଳକୁ ଆସିଛନ୍ତି । ତାଙ୍କୁ ଦଳକୁ ସ୍ବାଗତ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
