ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀରେ ଲକଡାଉନ ଲାଗୁ ହେବା ପରେ ଧିରେଧିରେ କମୁଛି କୋରୋନା ସଂକ୍ରମଣ । ଏହାରି ମଧ୍ୟରେ ଦିଲ୍ଲୀରେ ଟୀକାକରଣର ଅଭିଯାନକୁ ଦ୍ରୁତ ଗତିରେ ଆଗକୁ ବଢାଯାଉଥିବା ଡିଜିଟାଲ ସାମ୍ବାଦିକ ସମ୍ମିଳନୀରେ କହିଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ।
ଟିକା ଉତ୍ପାଦନ ବୃଦ୍ଧି କରିବାକୁ କେନ୍ଦ୍ର ସରକାରଙ୍କୁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ କେଜ୍ରିୱାଲ । ସେ କହିଛନ୍ତି, ବର୍ତ୍ତମାନ କେବଳ ଦୁଇଟି କମ୍ପାନୀ ଟିକା ପ୍ରସ୍ତୁତ କରିବା ପାଇଁ କାର୍ଯ୍ୟ କରୁଛନ୍ତି । ଯଦି ଅନ୍ୟ କେତେକ କମ୍ପାନୀଙ୍କୁ ଏହି ଦାୟିତ୍ବ ଦିଆଯାଏ, ତେବେ ଟିକା ଉତ୍ପାଦନ ବୃଦ୍ଧି ପାଇବ ।
ମୁଖ୍ୟମନ୍ତ୍ରୀ କେଜ୍ରିୱାଲ କହିଛନ୍ତି, ଅନ୍ୟ କମ୍ପାନୀଗୁଡିକ ମଧ୍ୟ ଟିକା ପ୍ରସ୍ତୁତ କରିପାରିବେ। ଅନ୍ୟ କମ୍ପାନୀଗୁଡିକୁ ମଧ୍ୟ ଟିକା ଉତ୍ପାଦନ କ୍ଷେତ୍ରରେ ଅନ୍ତର୍ଭୁକ୍ତ କରିବା ଉଚିତ ।
କେଜ୍ରିୱାଲ କହିଛନ୍ତି, ଦିଲ୍ଲୀରେ ମାତ୍ର କିଛି ଦିନ ଟିକା ଉପଲବ୍ଧ ଅଛି । ଲୋକଙ୍କୁ ଟିକା ଦରକାର। ଏନେଇ ସେ କେନ୍ଦ୍ରକୁ ଅଧିକ ଟିକା ଦେବାକୁ କହିଛନ୍ତି । ମୁଖ୍ୟମନ୍ତ୍ରୀ କହିଛନ୍ତି, ଏହି ସମୟରେ ଆମେ ଦିଲ୍ଲୀର ଲୋକଙ୍କୁ ବଞ୍ଚାଇବାକୁ ଚେଷ୍ଟା କରୁଛୁ। ଏଠାରେ ମାମଲା ବହୁ ପରିମାଣରେ ହ୍ରାସ ପାଇଛି ଏବଂ ଆମେ ଏହି ରଣନୀତି ସହିତ ଆଗକୁ ବଢୁଛୁ ।
