ନୂଆଦିଲ୍ଲୀ: କୋରୋନା ମହାମାରୀର ଦ୍ୱିତୀୟ ଲହରରେ ଦିଲ୍ଲୀରେ ଅମ୍ଳଜାନର ଅଭାବ ସମ୍ପର୍କରେ ଅମ୍ଳଜାନ ଅଡିଟ୍ କମିଟି ସୁପ୍ରିମକୋର୍ଟକୁ ଏକ ରିପୋର୍ଟ ପ୍ରଦାନ କରିଛି । ରିପୋର୍ଟରେ କୁହାଯାଇଛି ଯେ, ଏହି ସମୟ ମଧ୍ୟରେ ଦିଲ୍ଲୀ ଏହାର ପ୍ରକୃତ ଆବଶ୍ୟକତା ଠାରୁ 4 ଗୁଣ ପର୍ଯ୍ୟନ୍ତ ଅମ୍ଳଜାନ ମାଗିଥିଲା, ଯେଉଁଥିପାଇଁ ଅନ୍ୟ ରାଜ୍ୟମାନଙ୍କୁ ଅମ୍ଳଜାନ ଅଭାବର ସମ୍ମୁଖୀନ ହେବାକୁ ପଡିଛି।
ସେହିପରି ରିପୋର୍ଟରେ କୁହାଯାଇଛି ଯେ କମିଟି ସଠିକ୍ ଅମ୍ଳଜାନ ଆବଶ୍ୟକତା ପାଇଁ ଏକ ସୂତ୍ର ପ୍ରସ୍ତୁତ କରି ପ୍ରାୟ 260 ଡାକ୍ତରଖାନାକୁ ପଠାଇଛି । ଏହି ସୂତ୍ର ଅନୁଯାୟୀ, ସମସ୍ତ ପ୍ରମୁଖ ଡାକ୍ତରଖାନା ସମେତ ପ୍ରାୟ 183 ଡାକ୍ତରଖାନାର ତଥ୍ୟ ବିଶ୍ଳେଷଣ କରାଯାଇଥିଲା । ମେଡିକାଲରେ ତରଳ ଅମ୍ଳଜାନ ବ୍ୟବହାର କ୍ଷେତ୍ରରେ ଏହି 183 ଡାକ୍ତରଖାନାକୁ 1140 ମେଟ୍ରିକ୍ ଟନ୍ ଦିଆଯାଇଥିଲା ।
କିନ୍ତୁ ବାସ୍ତବରେ ହସ୍ପିଟାଲରୁ ମିଳିଥିବା ସୂଚନାର ମାତ୍ର 209 ମେଟ୍ରିକ୍ ଟନ୍ ଅଟେ । ଯଦି କେନ୍ଦ୍ର ସରକାରଙ୍କ ଦ୍ବାରା ପ୍ରସ୍ତାବିତ ସୂତ୍ର ଏଠାରେ ଗ୍ରହଣ କରାଯାଏ, ତେବେ ପ୍ରକୃତ ଆବଶ୍ୟକତା 289 ମେଟ୍ରିକ୍ ଟନ୍ ହେବ । ସେହିପରି ଦିଲ୍ଲୀ ସରକାରଙ୍କ ସୂତ୍ର ଗ୍ରହଣ କରାଯାଏ ତେବେ ଏହା 391 ମେଟ୍ରିକରେ ପହଞ୍ଚିବ । ସବୁ ଦୃଷ୍ଟିରୁ ଦେଖିଲେ କୋରୋନାର ଦ୍ବିତୀୟ ଲହରରେ ଦିଲ୍ଲୀକୁ ସର୍ବାଧିକ ଅମ୍ଳଜାନ ଯୋଗାଇ ଦିଆଯାଇଛି ବୋଲି ଅମ୍ଳଜାନ ଅଡିଟ୍ କମିଟି ରିପୋର୍ଟରେ କହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
