ହାଇଦ୍ରାବାଦ: ଦିଲ୍ଲୀ ମହିଳା କମିଶନ ଅଧ୍ୟକ୍ଷା ସ୍ବାତୀ ମାଲିଓ୍ବାଲଙ୍କୁ ଅସଦାଚରଣ । ଜଣେ ମଦ୍ୟପ କାର ଡ୍ରାଇଭର ସ୍ୱାତୀଙ୍କୁ ପ୍ରାୟ 10ରୁ 15 ମିଟର ଘୋଷାଡି ନେଇଥିବା ଅଭିଯୋଗ ହୋଇଛି । ଘଟଣାଟି ଆଜି ଭୋର ପ୍ରାୟ 3ଟାରେ ଘଟିଥିବା ସ୍ବାତୀ ନିଜେ ଅଭିଯୋଗ କରିଛନ୍ତି । ଅଭିଯୋଗ ଆଧାରରେ ପୋଲିସ ତଦନ୍ତ ଆରମ୍ଭ କରିଛି । ସମ୍ପୃକ୍ତ ନିଶାସକ୍ତ କାର ଡ୍ରାଇଭରକୁ ମଧ୍ୟ ପୋଲିସ ଗିରଫ କରିଛି । ଅଭିଯୁକ୍ତ କାର ଡ୍ରାଇଭର ନାମ ହରିଶ ଚନ୍ଦ୍ର ବୋଲି ଜଣାପଡ଼ିଛି । ରାଜଧାନୀ ଦିଲ୍ଲୀରେ ମହିଳା ଆୟୋଗର ଅଧ୍ୟକ୍ଷାଙ୍କ ସହ ଏପରି ଅସଦାଚରଣ ଏବେ ଦେଶବ୍ୟାପୀ ଚାଞ୍ଚଲ୍ୟ ସୃଷ୍ଟି କରିଛି ।
-
कल देर रात मैं दिल्ली में महिला सुरक्षा के हालात Inspect कर रही थी। एक गाड़ी वाले ने नशे की हालत में मुझसे छेड़छाड़ की और जब मैंने उसे पकड़ा तो गाड़ी के शीशे में मेरा हाथ बंद कर मुझे घसीटा। भगवान ने जान बचाई। यदि दिल्ली में महिला आयोग की अध्यक्ष सुरक्षित नहीं, तो हाल सोच लीजिए।
— Swati Maliwal (@SwatiJaiHind) January 19, 2023 " class="align-text-top noRightClick twitterSection" data="
">कल देर रात मैं दिल्ली में महिला सुरक्षा के हालात Inspect कर रही थी। एक गाड़ी वाले ने नशे की हालत में मुझसे छेड़छाड़ की और जब मैंने उसे पकड़ा तो गाड़ी के शीशे में मेरा हाथ बंद कर मुझे घसीटा। भगवान ने जान बचाई। यदि दिल्ली में महिला आयोग की अध्यक्ष सुरक्षित नहीं, तो हाल सोच लीजिए।
— Swati Maliwal (@SwatiJaiHind) January 19, 2023कल देर रात मैं दिल्ली में महिला सुरक्षा के हालात Inspect कर रही थी। एक गाड़ी वाले ने नशे की हालत में मुझसे छेड़छाड़ की और जब मैंने उसे पकड़ा तो गाड़ी के शीशे में मेरा हाथ बंद कर मुझे घसीटा। भगवान ने जान बचाई। यदि दिल्ली में महिला आयोग की अध्यक्ष सुरक्षित नहीं, तो हाल सोच लीजिए।
— Swati Maliwal (@SwatiJaiHind) January 19, 2023
ଘଟଣା ସମ୍ପର୍କରେ ନିଜ ସ୍ବାତୀ ଟ୍ବିଟରେ ଉଲ୍ଲେଖ କରିଛନ୍ତି, ‘‘ଗତକାଲି ବିଳମ୍ବିତ ରାତିରେ ମୁଁ ଦିଲ୍ଲୀରେ ମହିଳାଙ୍କ ସୁରକ୍ଷା ବ୍ୟବସ୍ଥା ପାଇଁ ପ୍ରଶାସନ ଦ୍ବାରା ଗ୍ରହଣ କରାଯାଇଥିବା ପଦକ୍ଷେପ ତଦାରଖ କରୁଥିଲି । ଏହି ସମୟରେ ଏକ କାରର ଡ୍ରାଇଭର ନିଶାସକ୍ତ ଅବସ୍ଥାରେ ମତେ ଅସଦାଚରଣ କରିଥିଲା । ମୁଁ ତାଙ୍କୁ ରୋକିବାକୁ ପ୍ରୟାସ କରିବା ବେଳେ ସେ କାରର ଡୋରରେ ମୋ ହାତକୁ ଚାପି ରଖି ମତେ କିଛି ମିଟର ପର୍ଯ୍ୟନ୍ତ ଘୋଷାଡି ନେଇଥିଲା । ଭଗବାନଙ୍କ କୃପାରୁ ମୁଁ ବଞ୍ଚିଯାଇଛି । ଦିଲ୍ଲୀରେ ଯଦି ମହିଳା ଆୟୋଗର ଅଧ୍ୟକ୍ଷା ସୁରକ୍ଷିତ ନୁହନ୍ତି, ତେବେ ସାଧାରଣ ମହିଳାଙ୍କ ପଇଁ ସ୍ଥିତି କ’ଣ କଳ୍ପନା କରନ୍ତୁ ।’’
ନିକଟରେ ଦିଲ୍ଲୀ କାର ଟ୍ରାଜେଡି ଘଟଣା ସମଗ୍ର ଦେଶରେ ଚାଞ୍ଚଲ୍ୟ ସୃଷ୍ଟି କରିଥିଲା । ନୂଆବର୍ଷ ପୂର୍ବରାତିରେ ଅଞ୍ଜଳି ନାମକ ଜଣେ 20 ବର୍ଷୀୟା ଯୁବତୀଙ୍କୁ ଏକ କାର ଧକ୍କା ଦେବା ପରେ ପ୍ରାୟ 12 କି.ମି ପର୍ଯ୍ୟନ୍ତ ଘୋଷାଡି ନେଇଥିଲା । ଯୁବତୀଙ୍କ ଉଲଗ୍ନ ମୃତଦେହ ଉଦ୍ଧାର ହେବା ପରେ ସାରା ଦେଶରେ ଏହାକୁ ନେଇ ଉଦବେଗ ପ୍ରକାଶ ପାଇଥିଲା । ଏହି ଘଟଣାରେ କାରରେ ଥିବା 5 ଅଭିଯୁକ୍ତଙ୍କ ସମେତ ମୋଟ 7ଜଣ ଗିରଫ ହୋଇଥିଲା ବେଳେ 11 ପୋଲିସକର୍ମୀଙ୍କୁ ଦାୟିତ୍ବରେ ଅବହେଳା ପାଇଁ ନିଲମ୍ବନ କରାଯାଇଥିଲା ।
ଏହି ଘଟଣାରେ ମହିଳା ଆୟୋଗ ଅଧ୍ୟକ୍ଷା ସ୍ବାତୀ ତୀବ୍ର ଉଦବେଗ ପ୍ରକାଶ କରିଥିଲେ । ଦିଲ୍ଲୀ ପୋଲିସର ତଦନ୍ତ ଶୈଳୀରେ ଅସନ୍ତୋଷ ଜାହିର କରିବା ସହ ସେ ସିବିଆଇ ତଦନ୍ତ ହସ୍ତାନ୍ତର କରିବା ପାଇଁ ସୁପାରିଶ ମଧ୍ୟ କରିଥିଲେ । ତେବେ ସେ ନିଜେ ମହିଳାଙ୍କ ସୁରକ୍ଷା ବ୍ୟବସ୍ଥା ପାଇଁ ପ୍ରଶାସନ ଗ୍ରହଣ କରିଥିବା ପଦକ୍ଷେପ ତଦାରଖ କରୁଥିବା ବେଳେ ଅସଦାଚରଣର ଶିକାର ହୋଇଛନ୍ତି । ଏହା ସହ ପୁଣି ଥରେ ରାଜଧାନୀରେ ମହିଳାଙ୍କ ସୁରକ୍ଷା ନେଇ ବଡ ପ୍ରଶ୍ନବାଚୀ ସୃଷ୍ଟି ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
