ଭୁବନେଶ୍ବର: ସାମୁଦ୍ରିକ ବାତ୍ୟା ତୌକତେର ମୁକାବିଲା ପାଇଁ ଭୁବନେଶ୍ବରରୁ ଜାମନଗର ଗଲା ଏନଡିଆରଏଫ ଟିମ । ଆଜି ବାୟୁସେନାର ସ୍ବତନ୍ତ୍ର ହେଲିକେପ୍ଟର ଯୋଗେ ଏନଡିଆରଏଫ ଯବାନଙ୍କୁ ଜାମନଗର ପଠାଯାଇଛି ।
ଦକ୍ଷିଣ ପଶ୍ଚିମ ଭାରତରେ ସାମ୍ଭାବ୍ୟ ବାତ୍ୟା ତଉକତେ ମୁକାବିଲା ପାଇଁ ଓଡିଶାରୁ ଗୁଜୁରାଟ ଯାଇଛି ଜାତୀୟ ବିପର୍ଯ୍ୟୟ ପ୍ରଶମନ ଉଦ୍ଧାରକାରୀ ଦଳ (ଏନଡିଆରଏଫ) । ଆଜି ଭୁବନେଶ୍ବରର ଦୁଇଟି C 130 ଜେ ବାୟୁସେନାର ସ୍ବତନ୍ତ୍ର ହେଲିକେପ୍ଟର ଯୋଗେ 126 ଜଣ ଏନଡିଆରଏଫ ଯବାନ ଯାଇଛନ୍ତି । ବାତ୍ୟା ମୁକାବିଲାର ସମସ୍ତ ଜରୁରୀ ସାମଗ୍ରୀ ନେଇ ଏନଡିଆରଏଫ ଟିମ ଗସ୍ତ କରିଛନ୍ତି ।
ସୂଚନାଯୋଗ୍ୟ ଯେ ଭାରତୀୟ ପାଣିପାଗର ଆକଳନ ଅନୁସାରେ ଆସନ୍ତା 18ରେ ଗୁଜୁରାଟ ଉପକୂଳ ଛୁଇଁବା ସାମ୍ଭାବ୍ୟ ବାତ୍ୟା କଉକତେ । ଏଥିପାଇଁ ଗୁଜୁରାଟ ଓ ମହରାଷ୍ଟ୍ର ସମେତ ଦକ୍ଷିଣ ଭାରତ ରାଜ୍ୟ ଗୁଡିକୁ ରେଡ ଓ୍ବାର୍ଣ୍ଣିଂ ଜାରି କରାଯାଇଛି ।
@ANI
