ନୂଆଦିଲ୍ଲୀ: ଦେଶର ବିଭିନ୍ନ ସ୍ଥାନରେ କରୋନା ଭାଇରସ ଦ୍ୱିତୀୟ ଲହର ପିକ୍ ଭିନ୍ନ ଭିନ୍ନ ସମୟରେ ଆସିବ । ଏନେଇ ସୂଚନା ଦେଇଛନ୍ତି AIIMS ନିର୍ଦ୍ଦେଶକ ରଣଦୀପ ଗୁଲେରିଆ । ସେ କହିଛନ୍ତି, ଭାଇରସ୍ ମ୍ୟୁଟେସନ୍ ବିକାଶିତ ହେବ । ଏହା କୋରୋନା ଭୂତାଣୁ ବିକାଶର ଏକ ଅଂଶ । ଗୁଲେରିଆ କହିଛନ୍ତି ଯେ ମହାରାଷ୍ଟ୍ର ଭଳି ପଶ୍ଚିମ ଭାରତରେ କୋରୋନା ମାମଲାରେ ହ୍ରାସ ଘଟିଛି ।
ସେ ଆହୁରି କହିଛନ୍ତି କି, ଉତ୍ତର ଏବଂ ମଧ୍ୟ ଭାରତରେ ମଧ୍ୟ ଆସନ୍ତା ସପ୍ତାହରେ ସଂକ୍ରମଣ ହ୍ରାସ ଦେଖିବାକୁ ମିଳିବ। ହେଲେ ଯେତେବେଳେ ଦେଶର ଉତ୍ତର-ପୂର୍ବ ଏବଂ ବଙ୍ଗରେ ନୂତନ ମାମଲାଗୁଡ଼ିକରେ ହ୍ରାସ ଘଟିବ, ସେତେବେଳେ ହିଁ ଆମେ କହିପାରିବା ଯେ ଭାରତରେ ମାମଲା ହ୍ରାସ ପାଉଛି । ତେବେ ପିକ୍ ଚଳିତ ମାସ ଶେଷରେ କିମ୍ବା ଆସନ୍ତା ମାସ ଆରମ୍ଭରେ ହୋଇପାରେ ।
ସେପଟେ ମହାମାରୀ କୋରୋନାର ଭୟାବହତାକୁ ସାମ୍ନା କରୁଥିବା ଭାରତ ପାଇଁ ଆଶ୍ବସ୍ତିକର ଖବର । ଦେଶର ଜଣାଶୁଣା ଭାଇରୋଲୋଜିଷ୍ଟ ତଥା ଚିକିତ୍ସା ବିଶେଷଜ୍ଞ ଗଗନଦୀପ କାଙ୍ଗଙ୍କ ଅନୁଯାୟୀ ଚଳିତ ମାସ ମଧ୍ୟରୁ ଶେଷ ସୁଦ୍ଧା ସଂକ୍ରମଣ ମାମଲା ହ୍ରାସ ହେବା ଆରମ୍ଭ ହୋଇଯିବ ।
