ଚଣ୍ଡିଗଡ: ପଞ୍ଜାବର ଜଳନ୍ଧର ସହରରେ ପୁଣି ଫେରିଲା କର୍ଫ୍ୟୁ । ରାତି 11 ଟାରୁ ସକାଳ 5 ଟା ପର୍ଯ୍ୟନ୍ତ କର୍ଫ୍ୟୁ ଲାଗୁ ନିଷ୍ପତ୍ତି ନେଇଛି ଜିଲ୍ଲା ପ୍ରଶାସନ । ରାଜ୍ୟରେ ବଢୁଥିବା କୋଭିଡ ସଂକ୍ରମଣକୁ ଦେଖି ଏପରି ନିଷ୍ପତ୍ତି ନିଆଯାଇଥିବା ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।
ପୂର୍ବରୁ ମଧ୍ୟ ସହରରେ ଏହି ସମୟ ମଧ୍ୟରେ କର୍ଫ୍ୟୁ ଲାଗୁ କରାଯାଉଥିଲା । ତେବେ ସ୍ଥିତିରେ ସାମାନ୍ୟ ନିୟନ୍ତ୍ରଣ ଆସିବାରୁ ଏହି କର୍ଫ୍ୟୁ କଟକଣାକୁ କୋହଳ କରିଥିଲା ଜିଲ୍ଲା ପ୍ରଶାସନ । ବର୍ତ୍ତମାନ ରାଜ୍ୟରେ କୋରୋନା ସଂକ୍ରମଣ ପୁଣି କଡ ଲେଉଟାଉଥିବା ଯୋଗୁଁ ରାଜ୍ୟ ସରକାରଙ୍କ ଚିନ୍ତା ବଢିବାରେ ଲାଗିଛି । ସମଗ୍ର ରାଜ୍ୟରେ ପୂର୍ବପରି କୋଭିଡ କଟକଣା ପାଳନକୁ କଡାକଡି କରାଯାଇଥିବା ଦେଖିବାକୁ ମିଳିଛି । ସେହିପରି ଜଳନ୍ଧର ସହରରେ ରାତି 11 ରୁ ସକାଳ 5 ଯାଏ ପୁଣି କର୍ଫ୍ୟୁ ଜାରି କରାଯିବା ନେଇ ପ୍ରଶାସନ ନିଷ୍ପତ୍ତି ନେଇଛି ।
@ANI
