କୋଲକାତା: ପଶ୍ଚିମବଙ୍ଗ ମୁର୍ଶିଦାବାଦର ଡୋନକାଲରେ କାର ଧକ୍କାରେ ଜଣେ ସିପିଆଇଏମ କର୍ମୀଙ୍କ ମୃତ୍ୟୁ ହୋଇଛି । ମୃତକ ଜଣଙ୍କ ହେଲେ କେଦାର ଅଲ୍ଲୀ ମଣ୍ଡଳ । ତାଙ୍କୁ ହତ୍ୟା କରାଯାଇଥିବା ଅଭିଯୋଗ କରିଛି ସିପିଆଇଏମ ।
ସିପିଆଇଏମ କର୍ମୀଙ୍କ ଗାଡି ଧକ୍କା ଏକ ଦୁର୍ଘଟଣା ନୁହେଁ । ଏହା ଟିଏମସି କର୍ମୀଙ୍କ ଚାଲ । ଜାଣିଶୁଣି ଗାଡି ଧକ୍କା କରାଇ ସିପିଆଇଏମ କର୍ମୀଙ୍କୁ ହତ୍ୟା କରାଯାଇଛି । ହତ୍ୟାକୁ ଦୁର୍ଘଟଣାର ରୂପ ଦେବାକୁ ଚେଷ୍ଟା କରୁଛି ଟିଏମସି ବୋଲି ଅଭିଯୋଗ କରିଛି ସିପିଏମ ।
ପ୍ରକାଶ ଥାଉ କି, ପୂର୍ବରୁ ଟିଏମସି ବିରୁଦ୍ଧରେ ଅନେକ ବାର ଏପରି ହତ୍ୟା ଅଭିଯୋଗ ଆସିଛି । ଆଜି ପଶ୍ଚିମବଙ୍ଗରେ ଅଷ୍ଟମ ତଥା ଅନ୍ତିମ ପର୍ଯ୍ୟାୟ ମତଦାନ ଚାଲିଛି । ଶାନ୍ତିପୂର୍ଣ୍ଣ ଭାବରେ ଚାଲିଛି ଭୋଟ ଗ୍ରହଣ । 9ଟା ସୁଦ୍ଧା 16.04 ପ୍ରତିଶତ ଭୋଟ ଗ୍ରହଣ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
