ନୂଆଦିଲ୍ଲୀ: କ୍ଷୀପ୍ରଗତିରେ ବଢୁଛି କୋରୋନାର କାୟା । ଯାହା ପୁଣି ଥରେ ସମସ୍ତଙ୍କ ମୁଣ୍ଡ ବିନ୍ଧାର କାରଣ ପାଲଟିଛି। ଏଭଳି ସମୟରେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ବଡ ନିଷ୍ପତ୍ତି। ଯାତ୍ରୀଙ୍କ ସୁରକ୍ଷା ପାଇଁ ବାଂଲାଦେଶ ଏପ୍ରିଲ 20 ପର୍ଯ୍ୟନ୍ତ ଦେଶକୁ ସମସ୍ତ ଅନ୍ତର୍ଜାତୀୟ ଯାତ୍ରୀବାହୀ ବିମାନ ଚଳାଚଳକୁ ସ୍ଥଗିତ ଘୋଷଣା କରିଛି।
ସରକାରୀ ସୂତ୍ରରୁ ଜାରି ହୋଇଥିବା ସର୍କୁଲାର ଅନୁସାରେ, ଏହି କଟକଣା ଜରୁରୀ କ୍ଷେତ୍ରରେ ଯାତାୟତ କରୁଥିବା , ରିଲିଫ, ଇନ୍ଧନ, କାର୍ଗୋ, ସାନିଟାଇଜ୍ ବିମାନଗୁଡିକ ଦୂରେଇ ରହିବ। ଏଥିରେ ଆହୁରି ମଧ୍ୟ କୁହାଯାଇଛି, ସାନିଟାଇଜ୍ ହୋଇଥିବା ବିମାନ ଦ୍ୱାରା ଆସୁଥିବା ଯାତ୍ରୀମାନଙ୍କୁ ସରକାରୀ ସଙ୍ଗରୋଧ କିମ୍ବା ଯାତ୍ରୀମାନେ ନିଜ ଖର୍ଚ୍ଚରେ ହୋଟେଲରେ 14 ଦିନିଆ ଅନୁଷ୍ଠାନିକ କ୍ବାରେଣ୍ଟିନ ପୂରଣ କରିବାକୁ ପଡିବ।
ସିଏଏବି ଏହା ମଧ୍ୟ ସୂଚନା ଦେଇଛି ଯେ, ଏପ୍ରିଲ 12 ଠାରୁ, ସମସ୍ତ ନିର୍ଦ୍ଧାରିତ ଘରୋଇ ଯାତ୍ରୀ ବିମାନ ଜେନେରାଲ ଆଭିଏସନର ଚାର୍ଟର ଉଡ଼ାଣ ଏପ୍ରିଲ 13 ପର୍ଯ୍ୟନ୍ତ ସ୍ଥଗିତ ରହିବ। ଏଥିରେ ଦର୍ଶାଯାଇଛି ଯେ ଏପ୍ରିଲ 14 ରୁ ଏପ୍ରିଲ 20 ପର୍ଯ୍ୟନ୍ତ ସମସ୍ତ ପ୍ରକାର ଘରୋଇ, ସ୍ଥାନୀୟ ଏବଂ ତାଲିମ ବିମାନ ଉଡ଼ାଣ ସ୍ଥଗିତ ରହିବ ।
ଯାତ୍ରୀ, ଯନ୍ତ୍ରପାତି ଏବଂ ବିମାନ ପାଇଁ ଷ୍ଟାଣ୍ଡାର୍ଡ ଡିଜେନ୍ସିଫିକେସନ୍, ସାନିଟାଇଜେସନ୍ ଏବଂ ସାମାଜିକ ଦୂରତା ପ୍ରଣାଳୀ ଅପରେସନ୍ ପାଇଁ ଅନୁମତିପ୍ରାପ୍ତ ବିମାନଗୁଡିକ ପାଇଁ କଡା ରକ୍ଷଣାବେକ୍ଷଣ ପାଳନ କରାଯିବ ବୋଲି ସିଏଏବି କହିଛି।
