ହଂକଂ: ଭାରତରୁ ହଂକଂକୁ ଉଡିବନି ବିମାନ । ଭାରତରୁ ସମସ୍ତ ବିମାନ ଚଳାଚଳା ଉପରେ ରୋକ୍ ଲଗାଇଛି ହଂକଂ ପ୍ରଶାସନ । ଏପ୍ରିଲ 20(ଆସନ୍ତାକାଲି)ରୁ ମେ 3 ତାରିଖ 14 ଦିନ ଯାଏଁ ସମସ୍ତ ବିମାନକୁ ସ୍ଥଗିତ ରଖିଛି । ଭାରତ ବ୍ୟତୀତ ପାକିସ୍ତାନ ଓ ଫିଲିଫାଇନ୍ସକୁ ମଧ୍ୟ ଉଡାଣ ବନ୍ଦ କରିଛି ହଂକଂ ।
ଚଳିତ ମାସରେ 2ଟି ଭିସ୍ତାରା ବିମାନରେ 50 ଜଣ ଯାତ୍ରୀ ହଂକଂରେ ପହଞ୍ଚିବା ପରେ କୋଭିଡ ଚିହ୍ନଟ ହୋଇଥିଲେ । ଏହା ପରେ ହଂକଂ ପ୍ରଶାସନ ଏଭଳି ନିଷ୍ପତ୍ତି ନେଇଛି । ଏହା ପୂର୍ବରୁ ରବିବାର ହଂକଂ ସରକାର ମୁମ୍ବାଇ-ହଙ୍କ ରୁଟରେ ସମସ୍ତ ଭିସ୍ତାରା ବିମାନକୁ ମେ 2 ତାରିଖ ପର୍ଯ୍ୟନ୍ତ ସ୍ଥଗିତ ରଖିଛି । ଭିସ୍ତାରା ବିମାନରୁ 3 ଜଣ ଯାତ୍ରୀଙ୍କ ଠାରେ କୋରୋନା ଠାବ ହୋଇଥିଲା ।
ସୂଚନାଯୋଗ୍ୟ, ଭାରତରେ ଦୈନିକ ସଂକ୍ରମଣ ଦୁଇ ଲକ୍ଷ ଅତିକ୍ରମ କରୁଛି । ମୃତକ ସଂଖ୍ୟା ହଜାରରେ ଊର୍ଦ୍ଧ୍ବ ରହିଛି । ଅନ୍ୟପଟେ ହଂକଂରେ 11 ହଜାର 6 ଶହ କୋରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ 209 ଜଣଙ୍କ ମୃତ୍ୟୁ ହୋଇଛି ।
@ANI
