ରାୟପୁର: ନା ବାଜୁଛି ବାଜା, ନା ଆସିଛି ରୋସଣି, ନା ଅଛନ୍ତି ବନ୍ଧୁ ପରିଜାନ । କୋଭିଡ କେୟାର ସେଣ୍ଟର କର୍ମଚାରୀ, ରୋଗୀ ମାନଙ୍କ ଉପସ୍ଥିତିରେ ବିବାହ ବନ୍ଧନରେ ବାନ୍ଧି ହେଲେ କୋରୋନାରେ ସଂକ୍ରମିତ ଦମ୍ପତି । ଏଭଳି ଦୃଶ୍ୟ ଦେଖିବାକୁ ମିଳିଛି ଛତିଶଗଡ ବାଲୋଡର ଏକ କୋଭିଡ କେୟାର ସେଣ୍ଟରରେ । ତାହା ପୁଣି ଘରୋଇ ବିବାହ ଢଙ୍ଗରେ ।
କୋଭିଡ କେୟାର ସେଣ୍ଟରରେ ବେଦି କରାଯାଇ ବେଦି ଉପରେ ସାକ୍ଷୀ ରଖି ବିବାହ ବନ୍ଧନରେ ବାନ୍ଧି ହୋଇଛନ୍ତି ନବ ଦମ୍ପତି । ତେବେ ଘରୋଇ ରୀତିନୀତି ଅନୁଯାୟୀ ବିବାହ ସମ୍ପର୍ଣ୍ଣ ହୋଇଛି । ଘରୋଇ ଅନୁଭବ ପାଇଁ ଆମେ ଏହି ପରି ବିବାହ କରିବାକୁ ଆୟୋଜନ କଲୁ । ବିବାହ ପାଇଁ ଦମ୍ପତି ଏହି ପ୍ରସ୍ତାବ ଦେଇଥିଲେ । କର୍ମଚାରୀ, ରୋଗୀମାନଙ୍କ ଉପସ୍ଥିତିରେ ବିବାହ କାର୍ଯ୍ୟ ଶେଷ ହୋଇଛି । ଏହି ବିବାହ ପାରିବାରିକ ମଧ୍ୟରେ ହୋଇଥିବା ପରି ଅନୁଭବ ହୋଇଥିବା କହିଛନ୍ତି କୋଭିଡ କେୟାର ସେଣ୍ଟର ପରିଚାଳକ ।
@ANI
