ବେଙ୍ଗାଲୁରୁ: ନିର୍ବାଚନ ପ୍ରଚାର ବେଳେ ନିୟମ ଭାଙ୍ଗି ଫସିଲେ ହାଇଦ୍ରାବାଦ ସାଂସଦ ଅସଦୁଦ୍ଦିନ ଓୱେସୀ । ବେଲଗାଭିରେ କୋଭିଡ କଟକଣା ଉଲ୍ଲଙ୍ଘନ କରିବା ଅଭିଯୋଗରେ ଓୱେସୀଙ୍କ ସମେତ 300 ସମର୍ଥକଙ୍କ ନାଁରେ ଏତଲା ରୁଜୁ ହୋଇଛି । ପ୍ରଥମଥର ପାଇଁ ଗତ ସୋମବାର ବେଲଗାଭିରେ ନିର୍ବାଚନ ପ୍ରଚାର କରିବାକୁ ଯାଇଥିଲେ ଓୱେସୀ ।
ଏହାପରେ ମଙ୍ଗଳବାର ବେଲଗାଭିର ଦୁରବାର ଅଞ୍ଚଳରେ ରାଲି କରିଥିଲେ । ଓୱେସୀଙ୍କୁ ଦେଖିବାକୁ ପ୍ରବଳ ଜନସମାଗମ ହୋଇଥିଲା । ଓୱେସୀଙ୍କ ପାଇଁ କୋଭିଡ କଟକଣାକୁ ମାନି ନଥିଲେ ଲୋକେ । ଯାହାକୁ ନେଇ ନିର୍ବାଚନ କମିଶନର ନିୟମ ଉଲ୍ଲଙ୍ଘନ କରିଥିବା ଦର୍ଶାଇ ଓୱେସୀଙ୍କ ସମେତ ତାଙ୍କ 300 ସମର୍ଥକଙ୍କ ବିରୋଧରେ ମାର୍କେଟ ପୋଲିସ ଷ୍ଟେସନରେ ଏତଲା ଦେଇଛନ୍ତି ।
ସୂଚନା ଥାଉକି, ଆସନ୍ତା 3 ତାରିଖରେ ବେଲଗାଭିରେ ମତଦାନ ହେବାକୁ ଯାଉଛି । ସିଟି କର୍ପୋରେସନ ନିର୍ବାଚନ ପାଇଁ 519 ପ୍ରାର୍ଥୀ ନାମାଙ୍କନ ଦାଖଲ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
