ନୂଆଦିଲ୍ଲୀ: କୋଭିଡର ଦ୍ବିତୀୟ ଲହରରେ ଅସ୍ତବ୍ୟସ୍ତ ହୋଇପଡିଛି ଜାତୀୟ ରାଜଧାନୀ ଦିଲ୍ଲୀ । କୋରୋନାକୁ ପ୍ରତିହତ କରିବାକୁ ରାଜ୍ୟ ସରକାର କଟକଣାକୁ କଡାକଡି କରିଛନ୍ତି । ଯାହାଫଳରେ ବର୍ତ୍ତମାନ ଦିଲ୍ଲୀରେ ନୂଆ ସଂକ୍ରମଣ ମାମଲା ହ୍ରାସ ପାଉଛି । ଏକ ଡିଜିଟାଲ ସାମ୍ବାଦିକ ସମ୍ମିଳନୀ ଜରିଆରେ ଏନେଇ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ।
ଦିଲ୍ଲୀରେ ହୁ ହୁ ହୋଇ ବଢୁଥିବା ସଂକ୍ରମଣ ହାର ଏବେ 12 ପ୍ରତିଶତକୁ ଖସି ଆସିଛି । ଦୈନିକ ମାମଲା ସାଢେ 8 ହଜାର ମଧ୍ୟରେ ରହୁଛି । ଯଦ୍ବାରା ମେଡିକାଲ ଗୁଡିକରେ ଶଯ୍ୟା ଖାଲି ହେଉଛି । ତେବେ ଗୁରୁତର ରୋଗୀଙ୍କ ସଂଖ୍ୟା ଏତେ କମି ନାହିଁ ବୋଲି କେଜ୍ରିୱାଲ ସୂଚନା ଦେଇଛନ୍ତି । ଏଥିସହ କୋରୋନାରେ ପ୍ରାଣ ହରାଇଥିବା ପରିବାର ସଦସ୍ୟଙ୍କୁ ‘ଆପଣ ବ୍ୟସ୍ତ ହୁଅନ୍ତି ନାହିଁ, ମୁଁ ଅଛି’ ବୋଲି ମୁଖ୍ୟମନ୍ତ୍ରୀ କେଜ୍ରିୱାଲ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
