ଅମରାବତୀ: ଆନ୍ଧ୍ରପ୍ରଦେଶର ମାଚେରଲା ସହରରେ ହିଂସାତ୍ମକ ପରିସ୍ଥିତି । ମୁହାଁମୁହିଁ ହେଲେ ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀଙ୍କ ୱାଏସଆରସିପି(YSR Congress Party) ଦଳର କର୍ମୀ ଓ ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ଟିଡିପି(Telugu Desam Party) କର୍ମୀ । ପରସ୍ପରକୁ ପଥର ଫିଙ୍ଗିବା ସହ ଗାଡିରେ ନିଆଁ ଲଗାଇଦେଇଥିବା ଘଟଣା ସାମ୍ନାକୁ ଆସିଛି । ଏହି ଘଟଣାରେ ଅନେକ ଲୋକ ଆହତ ହୋଇଥିବା ବେଳେ ପରିସ୍ଥିତିକୁ ନିୟନ୍ତ୍ରଣକୁ ଆଣିବାକୁ ଘଟଣାସ୍ଥଳରେ ୧୪୪ ଧାରା ଜାରି କରିଥିଲା ପୋଲିସ ।
-
#WATCH | Andhra Pradesh: Violent clashes erupt between YSRCP and TDP workers in Palnadu district, police on the spot.
— ANI (@ANI) December 16, 2022 " class="align-text-top noRightClick twitterSection" data="
(Warning: Violence & Arson) pic.twitter.com/hzjTaaC1hi
">#WATCH | Andhra Pradesh: Violent clashes erupt between YSRCP and TDP workers in Palnadu district, police on the spot.
— ANI (@ANI) December 16, 2022
(Warning: Violence & Arson) pic.twitter.com/hzjTaaC1hi#WATCH | Andhra Pradesh: Violent clashes erupt between YSRCP and TDP workers in Palnadu district, police on the spot.
— ANI (@ANI) December 16, 2022
(Warning: Violence & Arson) pic.twitter.com/hzjTaaC1hi
୧୦ଜଣଙ୍କୁ ଅଟକ ରଖିଲା ପୋଲିସ
ପାଲାନାଡୁ ଜିଲ୍ଲାର ମାଚେରଲା ସହରରେ ଏକ କାର୍ଯ୍ୟକ୍ରମ ଚାଲୁଥିବା ସମୟରେ ଦୁଇ ଦଳ ମଧ୍ୟରେ ସଂଘର୍ଷ ଆରମ୍ଭ ହୋଇଥିଲା । ଫଳରେ ପରସ୍ପରକୁ ଦୁଇ ଦଳ ପଥର ମାଡ କରିଥିଲେ । ଫଳରେ ଅନେକ କର୍ମୀ ଆହତ ହୋଇଥିବା ବେଳେ ଏହି ଘଟଣାରେ ୧୦ ଜଣଙ୍କୁ ଅଟକ ରଖିଛି ପୋଲିସ । ଘଟଣାର ସମୟର ଏକ ଭିଡିଓ ମଧ୍ୟ ସାମ୍ନାକୁ ଆସିଛି । ଯେଉଁଥିରେ ପୋଲିସ ଲାଠି ଚାର୍ଜ କରୁଥିବା ଦେଖିବାକୁ ମିଳିଛି । ଏହି ହିଂସାକାଣ୍ଡରେ ଏକ କାରକୁ ନିଆଁ ଲଗାଇ ଦେଇଥିଲେ ୱାଏସଆରସିପିର କର୍ମୀମାନେ ।
ଟିଡିପି କାର୍ଯ୍ୟାଳୟରେ ନିଆଁ ଲଗାଇ ଦେଲେ ଶାସକ ଦଳର କର୍ମୀ
ଟିଡିପି କର୍ମୀମାନେ YSRCP ସରକାର ବିରୋଧରେ ରାଲି କରିବା ପାଇଁ ମାଚେରଲା ଅଭିମୁଖେ ଯାଉଥିଲେ । ଏହି ସମୟରେ ଦୁଇ ଦଳର ସମର୍ଥକ ମାନେ ପରସ୍ପରକୁ ପଥର ଫିଙ୍ଗିଥିଲେ । ଏହାପରେ ଟିଡିପି କାର୍ଯ୍ୟାଳୟରେ ଓ ଏକ କାରରେ ନିଆଁ ଲଗାଇଦେଇଥିଲେ ଶାସକ ଦଳର କର୍ମୀ ।
