ନୂଆଦିଲ୍ଲୀ : ପଳାତକ ବ୍ୟବସାୟୀ ବିଜୟ ମାଲ୍ୟାଙ୍କ ବିରୋଧରେ ଜାରି କରାଯାଇଥିବା ଦୁଇଟି ଭିନ୍ନ ଲୁକଆଉଟ୍ ସର୍କୁଲାର ସମ୍ପର୍କରେ ତଥ୍ୟ ରଖିବାକୁ କେନ୍ଦ୍ରିୟ ତଦନ୍ତ ବ୍ୟୁରୋ (CBI) କୁ ନିର୍ଦ୍ଦେଶ ଦେଇଛନ୍ତି କେନ୍ଦ୍ରିୟ କେନ୍ଦ୍ରୀୟ ସୂଚନା ଆୟୋଗ (ସିଆଇସି) । 2015 ଅକ୍ଟୋବରରେ ମାଲ୍ୟାଙ୍କ ବିରୋଧରେ ଆଉଟଲୁକ ଜାରି କରିଥିଲା ସିବିଆଇ । ବିଭିନ୍ନ ଭାରତୀୟ ବ୍ୟାଙ୍କରୁ ପ୍ରାୟ 9 ହଜାର କୋଟିରୁ ଊର୍ଦ୍ଧ୍ବ ଟଙ୍କାର ଲୋନ ନେଇ ବିଦେଶ ଫେରାର ହୋଇଯାଇଥିଲେ ମାଲ୍ୟା ।
ମାଲ୍ୟା ଦେଶ ଛାଡି ଫେରାର ହୋଇଯିବା ପୂର୍ବରୁ ଗତ ନଭେମ୍ବର 2015 ରେ ତାଙ୍କ ବିରୋଧରେ ଏଲଓସି ଜାରି କରିଥିଲା ସିବିଆଇ । ସିବିଆଇ ଏୟାର ପୋର୍ଟ ଅଥରିଟି ଅଫ ଇଣ୍ଡିଆକୁ ମାଲ୍ୟାଙ୍କ ଗତିବିଧି ଉପରେ ନଜର ରଖିବାକୁ ନିର୍ଦ୍ଦେଶ ଦେଇଥିଲା । ଯଦି ସେ ଦେଶ ବାହରକୁ ଯିବା ପାଇଁ ଚେଷ୍ଟା କରୁଥାନ୍ତି ତାହାଲେ ସିବିଆଇକୁ ଜଣାଇବା ପାଇଁ ନିର୍ଦ୍ଦେଶ ରହିଥିଲା ।
କିନ୍ତୁ ସବୁ କଟକଣା ସତ୍ତ୍ବେ ମାଲ୍ୟା 2016 ମସିହାରେ ଦେଶ ଛାଡି ବିଦେଶ ଫେରାର ହେବାରେ ସକ୍ଷମ ହୋଇଥିଲେ । ଏ ଘଟଣା ସମ୍ପର୍କରେ ତଥ୍ୟ ମାଗିଥିବା ପୁନେର ଜଣେ ସୂଚନା ଅଧିକାର କର୍ମୀଙ୍କୁ ତଥ୍ୟ ଦେବା ପାଇଁ ସିବିଆଇ ତଥ୍ୟ ଦେବା ପାଇଁ ମନା କରିଦେଇଥିଲେ । ତେବେ ଏହି ମାମଲାରେ କେନ୍ଦ୍ରିୟ ସୂଚନା ଆୟୋଗ ମାଲ୍ୟାଙ୍କ ବିରୋଧରେ ସିବିଆଇ ସେତେବେଳେ କଣ ସବୁ ସର୍କୁଲାର ଜାରି କରିଥିଲା ତାହା ଜଣାଇବାକୁ ସିବିଆଇକୁ ନିର୍ଦ୍ଦେଶ ଦେଇଛନ୍ତି ।
ପ୍ରଥମ ଥର ସିବିଆଇ ମାଲ୍ୟାଙ୍କ ବିରୋଧରେ 2015 ଅକ୍ଟୋବର 12 ରେ ଏଲଓସି ଜାରି କରିଥିଲା । କିନ୍ତୁ ସେ ସମୟରେ ମାଲ୍ୟଙ୍କ ନାମରେ ସିଧାସଳଖ କୌଣସି ଗିରଫ ପରଓ୍ବାନା ନଥିଲା ଓ ସେତବେଳେ ସେ ଜଣେ ରାଜ୍ୟସଭା ସାଂସଦ ମଧ୍ୟ ଥିଲେ। ତେଣୁ ତାଙ୍କୁ ଗିରଫ କରାଯିବା ନେଇ ମଧ୍ୟ ଦ୍ବନ୍ଦ ଦେଖା ଦେଇଥିଲା । ପରେ ସେ ବିଦେଶ ଫେରାର ହେବାରେ ସଫଳ ହୋଇଥିଲେ । ସେ ବିଭିନ୍ନ ଭାରତୀୟ ବ୍ୟାଙ୍କରୁ 9 ହଜାର କୋଟି ଟଙ୍କା ଋଣ କରିଥିବା ଜଣା ପଡିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
