ନୂଆଦିଲ୍ଲୀ: ଜୁଭେନାଇଲ ଜଷ୍ଟିଜ ଆକ୍ଟର ସଂଶୋଧନ ଅଧିନିମୟମକୁ ମଞ୍ଜୁରି ଦେଇଛନ୍ତି କେନ୍ଦ୍ର କ୍ୟାବିନେଟ । ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବସିଥିବା କେନ୍ଦ୍ର କ୍ୟାବିନେଟ ବୈଠକରେ 2015 ରେ ସଂଶୋଧନ ହୋଇଥିବା ଅଧିନୀୟମକୁ ମଞ୍ଜୁରୀ ମିଳିଛି । ବାଳ ଅପରାଧ ନିୟନ୍ତ୍ରଣ ଓ ଶିଶୁ ସୁରକ୍ଷା ବ୍ୟବସ୍ଥାକୁ ମଜବୁତ କରିବା ପାଇଁ 2015 ର ଏହି (ଶିଶୁମାନଙ୍କର ଯତ୍ନ ଏବଂ ସୁରକ୍ଷା) ଅଧିନିୟମକୁ ସଂଶୋଧନ କରିବା ପାଇଁ ମହିଳା ଓ ଶିଶୁ ବିକାଶ ମନ୍ତ୍ରଣାଳୟ କେନ୍ଦ୍ର କ୍ୟାବିନେଟ ଆଗରେ ପ୍ରସ୍ତାବ ରଖିଥିଲା । ତେବେ ଏହାକୁ ଅନୁମୋଦନ କରିଛି କ୍ୟାବିନେଟ ।
ଏହି ସଂଶୋଧନରେ ବାଳ ଅପରାଧ ସମ୍ପର୍କିତ ମାମଲା ଗୁଡିକର ତ୍ବରିତ ବିଚାର ଓ ସମାଧାନ ସୁନିଶ୍ଚିତ କରିବା ପାଇଁ ବ୍ୟବସ୍ଥା ରହିଛି । ସେହିପରି ଶିଶୁ ମାନଙ୍କ ଉତ୍ତରଦାୟିତ୍ବ ସୁନିଶ୍ଚିତ କରିବା ପାଇଁ ଜେଜେ ଆକ୍ଟର ଧାରା 61 ଅନୁଯାୟୀ ଅତିରିକ୍ତ ଜିଲ୍ଲା ମାଜିଷ୍ଟ୍ରେଟଙ୍କୁ ପୋଷ୍ୟ ସନ୍ତାନ ଗ୍ରହଣକୁ ନିର୍ଦ୍ଦେଶ ପ୍ରଦାନ କରିବାକୁ ଅନୁମତି ଦିଆଯାଇଛି ।
ଶିଶୁ ମାନଙ୍କ ପାଇଁ ମିଳିତ ପ୍ରୟାସ କରବା ପାଇଁ ଜିଲ୍ଲା ମାଜିଷ୍ଟ୍ରେଟମାନଙ୍କୁ ଏହି ଅଧିନିୟମ ଅନୁଯାୟୀ ଅଧିକ କ୍ଷମତା ପ୍ରଦାନ କରାଯିବାର ବ୍ୟବସ୍ଥା ରହିଛି । ଶିଶୁ ମଙ୍ଗଳ କମିଟି (CWC ) ସଦସ୍ୟଙ୍କ ନିଯୁକ୍ତି ପାଇଁ ଉପଯୁକ୍ତ ଯୋଗ୍ୟତା ମାପଦଣ୍ଡ ଗୁଡିକ ବିଚାରକୁ ନେବା ପାଇଁ ମଧ୍ୟ ବ୍ୟବସ୍ଥା କରାଯାଇଛି । ସେହିପରି ଅଜ୍ଞାତ ଅୁପରାଧ ଗୁଡିକୁ ‘ଗୁରୁତର ଅପରାଧ’ ଭାବରେ ଶ୍ରେଣୀଭୁକ୍ତ କରିବା ପାଇଁ ମଧ୍ୟ ସଂସୋଧିତ ଅଧିନିୟମରେ ବ୍ୟବସ୍ଥା କରାଯାଇଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
