ଭୋପାଳ: ବିପର୍ଯ୍ୟୟ ପରିଚାଳନାରେ ବିଭ୍ରାନ୍ତିକର ତଥ୍ୟ ବିସ୍ତାର ମାମଲାରେ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲ ନାଥଙ୍କ ବିରୋଧରେ ମାମଲା ଦାୟର ହୋଇଛି । କମଲଙ୍କ ବିରୋଧରେ ବିପର୍ଯ୍ୟୟ ପରିଚାଳନା ଧାରା 188 ଅନୁଯାୟୀ କ୍ରାଇମବ୍ରାଞ୍ଚ ମାମଲା ଦାୟର କରିଥିବା ଜଣାପଡିଛି । ବିପର୍ଯ୍ୟୟ ପରିଚାଳନା ବିଭାଗର ଧାରା 54 ମଧ୍ୟ ଲାଗୁ ହୋଇ ବିଭ୍ରାନ୍ତିକର ତଥ୍ୟ ବିସ୍ତାର କରିଥିବା ଅଭିଯୋଗରେ ମାମଲା ଦାଖଲ ହୋଇଥିବା ଜଣାପଡିଛି ।
ଏକ ସାମ୍ବାଦିକ ସମ୍ମିଳନୀରେ କମଲନାଥ କହିଥିଲେ ଯେ ବିଶ୍ବ ବର୍ତ୍ତମାନ କୋଭିଡକୁ ଭାରତୀୟ ଭ୍ୟାରିଏଣ୍ଟର ଆଖ୍ୟା ଦେଇଛି । କମଲଙ୍କ ଏପରି ମନ୍ତବ୍ୟ ପରେ ବିଜେପି ଏହାର ତୀବ୍ର ବିରୋଧ କରିବା ସହ କାର୍ଯ୍ୟାନୁଷ୍ଠାନ ପାଇଁ ଦାବି କରିଥିଲା । ପରେ ଏହି ମାମଲାରେ କମଲଙ୍କ ବିରୋଧରେ ମାମଲା ଦାଏର କରିଛି କ୍ରାଇମବ୍ରାଞ୍ଚ ।
ବ୍ୟୁରୋ ରିପୋର୍ଟ, ଇଟିଭି ଭାରତ
