ଭୋପାଳ: କୋରୋନା କାଳରେ ଛୋଟ ପିଲାଙ୍କ ପାଠପଢା ବନ୍ଦ ନହେବା ପାଇଁ ଜଣେ ଶିକ୍ଷୟିତ୍ରୀ ଶଗଡ ଗାଡି(Bullock Cart Library)କୁ ହିଁ ଲାଇବ୍ରେରୀ ଭାବେ ତିଆରି କରିଛନ୍ତି । ଯେଉଁଥିରେ ସେ ଘରଘର ବୁଲି ପିଲାଙ୍କୁ ବହି ବାଣ୍ଟୁଛନ୍ତି । ଜଣେ ପିଲାକୁ ଥାଳି ବଜାଇବା ପାଇଁ ରଖିଛନ୍ତି, ଯେମିତି କି ପିଲାମାନେ ବାହାରକୁ ଆସି ବହି ନେଇପାରିବେ ।
ତାଙ୍କର ଏହି ଅନନ୍ୟ ପଦକ୍ଷେପକୁ ପିଲାମାନଙ୍କର ପିତାମାତା, ଗ୍ରାମବାସୀ ଏବଂ ଶିକ୍ଷା ବିଭାଗର ଅଧିକାରୀମାନେ ପସନ୍ଦ କରିଛନ୍ତି । କମଲା ଦବଣ୍ଡେ ଏହି କାମ ଏକାକୀ କରୁଛନ୍ତି, ତଥାପି ସେ ତାଙ୍କ ଅଭିଯାନରେ ବାଧା ସୃଷ୍ଟି ହେବାକୁ ଦେଇନାହାନ୍ତି ।
କରୋନାର ତୃତୀୟ ସହର ଚାଲିଛି । ପ୍ରତିଦିନ ନୂତନ ସଂକ୍ରମଣ ଚିହ୍ନଟ ହେବାଦ୍ବାରା ଶିବରାଜ ସରକାର ସ୍କୁଲ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି । ଏଭଳି ପରିସ୍ଥିତିରେ ବେସରକାରୀ ବିଦ୍ୟାଳୟର ପିଲାମାନେ ଅନଲାଇନ୍ କ୍ଲାସ୍ କରିପାରିଛନ୍ତି, କିନ୍ତୁ ସରକାରୀ ବିଦ୍ୟାଳୟଗୁଡ଼ିକ ରେଡିଓ ଉପରେ ନିର୍ଭରଶୀଳ । ଏହାକୁ ଦୃଷ୍ଟିରେ ରଖି ଆଦିବାସୀ ପ୍ରାଧାନ୍ୟ ବୈତୁଲ ଜିଲ୍ଲାର ଭେଁସଡେହୀ ବିକାଶଖଣ୍ଡର ଗ୍ରାମ ରାମଜିଢାନା ସ୍କୁଲର ପ୍ରଧାନ ଶିକ୍ଷୟିତ୍ରୀ କମଲା ଦବଣ୍ଡେ ଏହି ନିଆରା ପଦ୍ଧତି ଲୋକଲୋଚନକୁ ଆଣିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
