ମୁମ୍ବାଇ: ନଭି ମୁମ୍ବାଇର ସେକ୍ଟର- 17ରେ ଥିବା ଏକ ବହୁତଳ ଅଟ୍ଟାଳିକାର କିଛି ଅଂଶ ଭୁଶୁଡି ପଡିଛି । ଫଳରେ ଏକାଧିକ ଲୋକ ଉକ୍ତ କୋଠାରେ ଫସି ରହିଥିବା ସନ୍ଦେହ କରାଯାଉଛି । ଏକାଧିକ ଅଗ୍ନିଶମ ଟିମ ଘଟଣାସ୍ଥଳରେ ପହଞ୍ଚି ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି ।
ବିଲ୍ଡିଂଟି 5 ମହଲା ବିଶିଷ୍ଟ ହୋଇଥିବାବେଳେ ସିଡିର ସ୍ଲାବ ଭୁଶୁଡି ପଡିଥିବା କୁହାଯାଉଛି । ଉକ୍ତ ବଲ୍ଡିଂରେ କେତେ ପରିବାର ବସବାସ କରୁଥିଲେ ଓ କେତେ ପ୍ରଭାବିତ ହୋଇଛନ୍ତି, ସେ ନେଇ କିଛି ସ୍ପଷ୍ଟ ସୂଚନା ମିଳିପାରି ନାହିଁ । ଏକାଧିକ ଫାୟାର ଟିମ ଉଦ୍ଧାର ଅପରେସନରେ ସାମିଲ ହୋଇଛନ୍ତି । ଆହତଙ୍କୁ ଉଦ୍ଧାର ପରେ ତୁରନ୍ତ ହସ୍ପିଟାଲରେ ପହଞ୍ଚାଇବା ପାଇଁ ଆମ୍ବୁଲାନ୍ସ ଗୁଡିକୁ ମଧ୍ୟ ପ୍ରସ୍ତୁତ କରାଯାଇ ରଖାଯାଇଛି । ସ୍ଥାନୀୟ ପ୍ରଶାସନର ବରିଷ୍ଠ ଅଧିକାରୀ ପହଞ୍ଚି ଉଦ୍ଧାର କାର୍ଯ୍ୟର ପ୍ରତ୍ୟେକ୍ଷ ତଦାରଖ ମଧ୍ୟ ଜାରି ରଖିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
