ନୂଆଦିଲ୍ଲୀ/ଚଣ୍ଡିଗଡ: ପଞ୍ଜାବର ଭାରତ-ପାକ୍ ସୀମା (India Pak border)ରେ ବିପୁଳ ପରିମାଣର ମାରଣାସ୍ତ୍ର ଜବତ କରିଛି ଭାରତୀୟ ସୀମା ସୁରକ୍ଷା ବଳ । ଏହି ଜବତ ସାମଗ୍ରୀ ମଧ୍ୟରେ ଏକାଧିକ ଅତ୍ୟାଧୁନିକ ରାଇଫଲ, ମାଉଜର ଓ ବିପୁଳ ପରିମାଣର ଅଫୁଟା ଗୁଳି ଓ ଅନ୍ୟାନ୍ୟ କିଛି ସାମଗ୍ରୀ ମଧ୍ୟ ରହିଛି (BSF recovers cache of arms at India Pak border) । ସୀମା ସୁରକ୍ଷା ବଳର ଠିକ୍ ସମୟରେ କାର୍ଯ୍ୟାନୁଷ୍ଠାନ ପାଇଁ ଏହା ସମ୍ଭବ ହୋଇପାରିଛି ବୋଲି ଜଣେ ସେନା ଅଧିକାରୀ ସୂଚନା ଦେଇଛନ୍ତି । ଏହି ସ୍ଥାନ ପାକିସ୍ତାନର ନିକଟବର୍ତ୍ତୀ ହୋଇଥିବା ବେଳେ ଏହା ପାକିସ୍ତାନ ପଟୁ ଚୋରାଚାଲାଣ ହେଉଥିବା ନେଇ ମଧ୍ୟ ସନ୍ଦେହ କରାଯାଉଛି ।
ସୀମା ସୁରକ୍ଷା ବଳର ଜଣେ ବରିଷ୍ଠ ଅଧିକାରୀ କାର୍ଯ୍ୟାନୁଷ୍ଠାନ ସମ୍ପର୍କରେ ସୂଚନା ଦେଇ କହିଛନ୍ତି, ଆଜି (ମଙ୍ଗଳବାର) ସକାଳେ ଫେରୋଜପୁର ସେକ୍ଟରର ଅଞ୍ଚଳରେ ଏହି ସାମଗ୍ରୀ ସୁରକ୍ଷାବଳର ପାଟ୍ରୋଲିଂ ଟିମ ନଜରକୁ ଆସିଥିଲ । ଏଥିରେ ତିନିଟି ଅତ୍ୟାଧୁନିକ AK-47 ରାଇଫଲ, 6ଟି ଗୁଳି ଭର୍ତ୍ତି ମାଗାଜିନ ସହିତ ଦୁଇଟି M-3 ରାଇଫଲ ଏବଂ ଦୁଇଟି ପତ୍ରିକା ସହିତ ଦୁଇଟି ପିସ୍ତଲ ମଧ୍ୟ ରହିଛି । ଏହି ଅସ୍ତ୍ରଶସ୍ତ୍ର ପାକିସ୍ତାନରୁ ଆତଙ୍କବାଦୀ କାର୍ଯ୍ୟକଳାପ ପାଇଁ ଚୋରା ଚାଲାଣ ହୋଇଥିବା ହୋଇଥିବା ସନ୍ଦେହ କାରଯାଉଛି । ସୁରକ୍ଷା ବଳ ଏଥିରେ କୌଣସି ଅଭିଯୁକ୍ତଙ୍କୁ ଗିରଫ କରିନାହିଁ । ସମସ୍ତ ଅସ୍ତ୍ରଶସ୍ତ୍ରକୁ ଯାଞ୍ଚ କାରଯାଉଛି ।
ଅଧିକାରୀ କହିଛନ୍ତି," ଇଣ୍ଡୋ-ପାକ୍ଅ ନ୍ତର୍ଜାତୀୟ ସୀମା ରେ ଦୈନିକ ପାଟ୍ରୋଲିଂ ବେଳେ ସକାଳ ସମୟରେ ଫେରୋଜେପୁର ସେକ୍ଟରର 182-ବାଟାଲିଅନ ବିଏସ୍ଏଫ୍ ଯବାନମାନେ ସୀମା ନିକଟସ୍ଥ ଏକ ସ୍ଥାନରେ ଦୁଇଟି ପ୍ୟାକେଟ୍ ଉଦ୍ଧାର କରିଥିଲେ । ପ୍ୟାକେଟ୍ ଗୁଡିକ ଧଳା ରଙ୍ଗର କପଡ଼ାରେ ଗୁଡ଼ାଯାଇଥିଲା । ପାଟ୍ରୋଲିଂ ଦଳ ପ୍ୟାକେଟକୁ ଯାଞ୍ଚ କରିବାରୁ ଚାରୋଟି ପତ୍ରିକା ସହିତ ଦୁଇଟି M-3 ରାଇଫଲ,ତିନୋଟି AK-47 ରାଇଫଲ ଏବଂ ଚାରିଟି ପତ୍ରିକା ସହିତ ଦୁଇଟି ପିସ୍ତଲ ପାଇଥିଲେ ।
ଏହା ମଧ୍ୟ ପଢନ୍ତୁ:-ସୀମା ଅତିକ୍ରମ ବେଳେ ଧରା ପଡିଲା ପାକିସ୍ତାନୀ ଅନୁପ୍ରବେଶକାରୀ
ବିଏସଏଫ ସ୍ଥାନୀୟ ପୋଲିସ ଷ୍ଟେସନରେ ଏନେଇ ଏକ ଏତଲା ମଧ୍ୟ ଦାଏର କରିଛି । ଜବତ ମାରଣାସ୍ତ୍ର ଓ ଅନ୍ୟାନ୍ୟ ସାମଗ୍ରୀ ମଧ୍ୟ ପୋଲିସକୁ ହସ୍ତାନ୍ତର କାରାଯାଇଛି । ଏହି ଚୋରାଚାଲାଣ ପଛରେ ପାକିସ୍ତାନର ହାତ ଥିବା ବେଳେ ଏଥିରେ ସ୍ଥାନୀୟ ଆତଙ୍କବାଦୀଙ୍କର ମଧ୍ୟ ହାତ ରହିଛି । ଏପରି ଘଟଣା ସାମ୍ନାକୁ ଆସିବା ପରେ ସୁରକ୍ଷା ବ୍ୟବସ୍ଥା ଓ ପାଟ୍ରୋଲିଂକୁ କଡାକଡି କରିଛି ସୀମା ସୁରକ୍ଷା ବଳ । ପୋଲିସ ମଧ୍ୟ ସୁରକ୍ଷା ବଳର ଏତଲା ଆଧାରରେ ତଦନ୍ତ ଜାରି ରଖିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
