ଭୋପାଳ: ଚାଟାର୍ଡ ଆକାଣ୍ଟାଣ୍ଟ(CA) ଫାଇନାଲ ପରୀକ୍ଷାରେ ବଡ ସଫଳତା ହାସଲ କରିଛନ୍ତି ମଧ୍ୟପ୍ରଦେଶର ଭାଇ-ଭଉଣୀ । ଏହି ପରୀକ୍ଷାରେ ଭଉଣୀ ଦେଶରେ ଟପ୍ପର ହୋଇଥିବାବେଳେ ୧୮ତମ ସ୍ଥାନ ହାସଲ କରିଛି ଭାଇ । ସୋମବାର ରେଜଲ୍ଟ ଘୋଷଣା କରିଛି ଚାର୍ଟାଡ ଆକାଉଣ୍ଟ୍ସ ଅଫ ଇଣ୍ଡିଆ (ICAI) ।
ସିଏ ଫାଇନାଲ ପରୀକ୍ଷାରେ ନନ୍ଦିନୀ ଅଗ୍ରୱାଲଙ୍କ ସର୍ବଭାରତୀୟ ରାଙ୍କ୍ ୧ ରହିଛି । ସେହିପରି ତାଙ୍କ ଭାଇ ସଚିନ ଅଗ୍ରୱାଲ ୧୮ ତମ ସ୍ଥାନରେ ଅଛନ୍ତି । ଭାଇ-ଭଉଣୀ ସିଏ ପରୀକ୍ଷା ପାଇଁ ସାଙ୍ଗ ହୋଇ ପ୍ରସ୍ତୁତି ଆରମ୍ଭ କରିଥିଲେ ।
ଭଉଣୀ ନନ୍ଦିନୀ ୮୦୦ରୁ ୬୧୪ ନମ୍ବର ହାସଲ କରି ଦେଶରେ ଟପ୍ପର ହୋଇଛନ୍ତି । ପ୍ରଥମ ପ୍ରୟାସରେ ହିଁ ଉଭୟ ଭାଇ ଓ ଭଉଣୀଙ୍କୁ ମିଳିଛି ଏହି ସଫଳତା । ସାଧାରଣତଃ ଦୁଇ ତିନିଥର ପ୍ରୟାସରେ ମଧ୍ୟ ଏହି ପରୀକ୍ଷାରେ ସଫଳତା ମିଳେ ନାହିଁ ।
ମଧ୍ୟପ୍ରଦେଶର ଏହି ୨ ଭାଇ ଓ ଭଉଣୀଙ୍କ ସଫଳତାକୁ ନେଇ ସେମାନଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଓ କେନ୍ଦ୍ରମନ୍ତ୍ରୀ ପୀୟୁଷ ଗୋୟଲ ।
