ଗୌହାଟୀ: ଆସାମରେ ବିଧାନସଭା ନିର୍ବାଚନରେ ବିଜେପି ବହୁମତ ହାସଲ କରିଥିବାବେଳେ ମୁଖ୍ୟମନ୍ତ୍ରୀ ପଦକୁ ନେଇ ସସପେନ୍ସ ଲାଗିରହିଛି । ତେବେ ଏହାରି ମଧ୍ୟରେ ରବିବାର ରାଜଧାନୀ ଗୌହାଟୀରେ ବିଜେପି ବିଧାୟକ ଦଳର ବୈଠକ ଅନୁଷ୍ଠିତ ହେବାକୁ ଯାଉଛି । ରବିବାର ଏହି ବୈଠକରେ ପରବର୍ତ୍ତୀ ମୁଖ୍ୟମନ୍ତ୍ରୀ ପଦ ନେଇ ନିର୍ଣ୍ଣାୟକ ନିଷ୍ପତ୍ତି ହେବାକୁ ଯାଉଛି ।
ତେବେ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନଓ୍ବାଲ ପୁଣି ଥରେ ମୁଖ୍ୟମନ୍ତ୍ରୀ ହେବା ନେଇ ବିବାଦ ଦେଖାଯାଇଥିବାବେଳେ ମନ୍ତ୍ରୀ ହିମନ୍ତ ବିଶ୍ବଶର୍ମାଙ୍କ ନାଁ ମଧ୍ୟ ମୁଖ୍ୟମନ୍ତ୍ରୀ ଦୌଡରେ ରହିଛି । ତେବେ ଲାଗିରହିଥିବା ଚର୍ଚ୍ଚାରେ ମୁଖ୍ୟମନ୍ତ୍ରୀ ଶୋନଓ୍ବାଲଙ୍କ ବିରୋଧରେ କିଛି ବିଧାୟକ ରହିଥିବାବେଳେ ପ୍ରାୟ 40 ବିଧାୟକ ହିମନ୍ତ ବିଶ୍ବଶର୍ମାଙ୍କୁ ମୁଖ୍ୟମନ୍ତ୍ରୀ କରାଇବା ସପକ୍ଷରେ ଥିବା ଚର୍ଚ୍ଚା ହେଉଛି । ତେବେ ଆସନ୍ତାକାଲିର ବିଧାୟକ ଦଳ ବୈଠକ ପରେ ନିଷ୍ପତ୍ତି ଦଳର ଅଧ୍ୟକ୍ଷ ଜେପି ନଡ୍ଡାଙ୍କ ନିକଟକୁ ପଠାଯିବ ଓ ମୁଖ୍ୟମନ୍ତ୍ରୀ ପଦରେ ଅନ୍ତିମ ମୋହର ଲାଗିବା ନେଇ ସୂଚନା ରହିଛି ।
ତେବେ ଆସାମରେ ଚଳିତ ବିଧାନସଭା ନିର୍ବାଚନରେ ବିଜେପି ନେତୃତ୍ବାଧୀନ ଏନଡିଏ ଭଲ ପ୍ରଦର୍ଶନ କରିଛି । ରାଜ୍ୟର 126 ଆସନ ମଧ୍ୟରୁ 75ଟି ଆସନ ହାତେଇବାରେ ସଫଳ ହୋଇ ସରକାର କରିବାକୁ ଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
