ନୂଆଦିଲ୍ଲୀ: ବିଜେପି ନେତ୍ରୀ ତଥା ଅଭିନେତ୍ରୀ ସୋନାଲି ଫୋଗଟଙ୍କ ପରଲୋକ(Sonali Phogat Passes Away) । ଗତକାଲି(ସୋମବାର) ରାତିରେ ତାଙ୍କର ହୃଦଘାତରେ ମୃତ୍ୟୁ ଘଟିଛି । ସେ ନିଜର କିଛି ଷ୍ଟାଫଙ୍କ ସହ ଗୋଆ ଯାଇଥିବା ବେଳେ ସେଠାରେ ତାଙ୍କର ହୃଦଘାତ ହୋଇଥିବା ସୂଚନା ମିଳିଛି । ସୋନାଲି ଫୋଗଟ ବହୁଚର୍ଚ୍ଚିତ ରିଆଲିଟି ଶୋ' Bigg Boss 14 ସଂସ୍କରଣରେ ଶେଷ ଥର ପାଇଁ ନଜର ଆସିଥିଲେ । ୱାଇଲ୍ଡକାର୍ଡ(wildcard ) ପ୍ରତିଯୋଗୀ ଭାବେ ସେ ଏଥିରେ ଏଣ୍ଟ୍ରି କରିଥିଲେ । ସୋନାଲି ଜଣେ ଲୋକପ୍ରିୟ ଟିକଟକ୍ ଷ୍ଟାର ଅଟନ୍ତି ।
୨୦୧୯ ହରିୟାଣା ବିଧାନସଭା ନିର୍ବାଚନରେ ସୋନାଲି ବିଜେପିରୁ ଟିକେଟ୍ ପାଇ ନିର୍ବାଚନ ଲଢିଥିଲେ । ସେ ଆଦମପୁର ଆସନରୁ କଂଗ୍ରେସ ନେତା କୁଲଦୀପ ବିଷ୍ଣୋଇଙ୍କ ସହ ପ୍ରତିଦ୍ବନ୍ଦ୍ବୀତା କରିଥିଲେ । ହରିୟାଣା ବିଜେପି ୟୁନିଟ୍ ତାଙ୍କୁ ମହିଳା ମୋର୍ଚ୍ଚାର ରାଜ୍ୟ ଉପାଧ୍ୟକ୍ଷ ଭାବେ ଦାୟିତ୍ବ ଦେଇଥିଲା ।
ସୋନାଲଙ୍କର ଗୋଟିଏ ଝିଅ ରହିଛି । ଗତ ୨୦୧୬ ମସିହାରେ ତାଙ୍କ ସ୍ବାମୀ ସଞ୍ଜୟ ଫୋଗଟଙ୍କ ଦେହାନ୍ତ ହୋଇଥିଲା । ସୋନାଲି ୨୦୧୬ରେ ଟିଭି ସିରିଅଲ 'ଏକ ମାଆ ଯୋ ଲାଖୋଂ କେ ଲିୟେ ବନି ଅମ୍ମା'(Ek Maa Jo Laakhon Ke Liye Bani Amma)ରେ ଡେବ୍ୟୁ କରିଥିଲେ । ସେ ହରିୟାଣା ଫିଲ୍ମରେ ମଧ୍ୟ ଅଭିନୟ କରିଛନ୍ତି ।
