ହାଇଦ୍ରାବାଦ: ଲକଡାଉନ ସମୟରେ ବଢୁଛି ଜୁମ ଆପର ଚାହିଦା । ଅନ୍ୟପଟେ ବଢୁଥିବା ଡିମାଣ୍ଡ ସହ ବଢୁଛି ସାଇବର କ୍ରିମିନାଲଙ୍କ ଜୁମ ପ୍ରତି ପସନ୍ଦ । ଏହି ଆପ ଉପରେ ବର୍ତ୍ତମାନ ଲକ୍ଷାଧିକ ଲୋକେ ନିର୍ଭରଶୀଳ ଥିବାରୁ ଏହା ମାଧ୍ୟମରେ ହ୍ୟାକିଂ, ସ୍ପୁଫିଂ ଓ ଫିସିଂ କରିବାକୁ ପଛାଉ ନାହାନ୍ତି ସାଇବର କ୍ରିମିନାଲ । ନିକଟରେ ଜୁମ ଆପ ସହ ଇମେଲ ଲିଙ୍କ ହେବା ପରେ ବଢିବାରେ ଲାଗିଛି ଏହି କ୍ରିମିନାଲଙ୍କ ଉତ୍ପାତ ।
ତେବେ ଏଥିପାଇଁ ଏହି କ୍ରିମିନାଲମାନେ ଇମେଲ ମାଧ୍ୟମରେ ୟୁଜର୍ସଙ୍କ ଆକର୍ଷିତ କରୁଛନ୍ତି । ଜୁମ ନାମରେ ବିଭିନ୍ନ ମେଲ କରି ଏମାନେ ୟୁଜର୍ସଙ୍କୁ ନିଜ ଜାଲରେ ଫସାଉଛନ୍ତି । ଆପଣ ବି ଯଦି ଜୁମ ଆପ ବ୍ୟବହାର କରୁଥାଆନ୍ତି ତେବେ ହୋଇ ଯାଆନ୍ତୁ ସାବଧାନ । ଯଦି ନିମ୍ନରେ ପ୍ରଦତ୍ତ ତିନୋଟି ମେଲ ମଧ୍ୟରୁ ଆପଣଙ୍କୁ କିଛି ବି ମେଲ ଆସିଥାଏ ତୁରନ୍ତ ନିକଟସ୍ଥ ସାଇବର ସେଲରେ ଖବର କରନ୍ତୁ ।
ଜୁମ ଆକାଉଣ୍ଟ
ମେଲର ସବଜେକ୍ଟ ବା ବିଷୟରେ ଏହା ଲେଖାଥିଲେ ଏହି ମେଲ ଏକ ସ୍ପାମ ବୋଲି ଜାଣନ୍ତୁ । ଫିସିଂ ପାଇଁ ଏହା ଏକ ସହଜ ଉପାୟ । ନୂଆ କରି ଜୁମ ଆକାଉଣ୍ଟ ଖୋଲିଥିବା ବ୍ୟକ୍ତିମାନେ ମୁଖ୍ୟତଃ ଏହାର ଶିକାର ହୋଇଥାଆନ୍ତି । ତେବେ ଏହି ମେଲରେ ଏକ ଆଡମିନ ମେଲ ରହିଥାଏ । ଯେଉଁଥିରେ ଆଟାଚ ହୋଇଥାଏ ନୂଆ ଜୁମ ଆକାଉଣ୍ଟ ଭେରିଫିକେସନ ବା ଆକ୍ଟିଭେସନ ପ୍ରୋସେସ ଲିଙ୍କ ।
ଏହି ଲିଙ୍କକୁ କ୍ଲିକ କରିବା ଦ୍ବାରା ୟୁଜର୍ସ ଅଟୋମେଟିକାଲି ‘ଜେନେରିକ ୱେବମେଲ ଲ୍ୟାଣ୍ଡିଂ ପେଜ’ରେ ପହଞ୍ଚିଯାଆନ୍ତି । ଏଠାରେ ୟୁଜର୍ସଙ୍କୁ କିଛି ବ୍ୟକ୍ତିଗତ ଡାଟା ଦେବା ପାଇଁ ପଚରା ଯାଇଥାଏ । ଯାହା ପଞ୍ଚ କରିବା ମାତ୍ରେ ହ୍ୟାକ ହୁଏ ଆପଣଙ୍କ ଡାଟା । ମୁଖ୍ୟତଃ ୟୁଏସରେ ଏହାର ପ୍ରଭାବ ଦେଖିବାକୁ ମିଳିଛି ।
ମିସ୍ଡ ଜୁମ ମିଟିଂ
ମେଲରେ ସବଜେକ୍ଟରେ ଏହା ଲେଖାଥିଲେ ସାବଧାନ ହୁଅନ୍ତୁ । ଏହି ମେଲରେ ଏକ ଲିଙ୍କ ମେଲ ଥାଏ । ଯାହା ଆପଣଙ୍କୁ ମିସ କରିଥିବା କନଫରେନ୍ସର ଡିଟେଲ୍ସ ପାଇଁ ଡାଇରେକ୍ଟ କରିଥିବା ଦେଖାଇଥାଏ । ତେବେ ଏହା ଏକ ଫାସ । ଯେଉଁଥିରେ କ୍ଲିକ କରିବା ଦ୍ବାରା ୟୁଜର୍ସ ‘ସ୍ପୁଫ୍ଡ ଜୁମ ପେଜ ଆଣ୍ଡ ଆସ୍କ ଫର ଜୁମ କ୍ରେଡେନସିଆଲ୍ସ’ ପେଜକୁ ରିଡାଇରେକ୍ଟ ହୁଅନ୍ତି । ଏଠାରେ କିଛି ବ୍ୟକ୍ତିଗଡ ଡାଟା ପଞ୍ଚ କରି ୟୁଜର୍ସ ହ୍ୟାକରଙ୍କ ଜାଲରେ ଫସିଥାଆନ୍ତି ।
ମିଟିଂ କ୍ୟାନ୍ସେଲ୍ଡ- କୁଡ ୱି ଡୁ ଏ ଜୁମ କଲ ?
ସବଜେକ୍ଟ ଲାଇନରେ ଏପରି ଲେଖାଥିବା ମେସେଜ ଅତି ଚାଲାକ ହ୍ୟାକରଙ୍କ କାମ । ଏହି ମେଲ ଏକ ମାଲୱାର । ଯାହାକୁ କ୍ଲିକ କରିବା ମାତ୍ରେ ସର୍ଭଲୋଡର ବା ନେଟସପୋର୍ଟରେ ଟ୍ରୋଜାନ ଆକ୍ସେସ ପାଇଥାଏ । ଏହି ମେଲ ଖୋଲିବା ମାତ୍ରେ ଏକ ଥ୍ୟାଙ୍କ ୟୁ ମେସେଜ ବ୍ଲିଙ୍କ କରିବ । ଯାହା ଆପଣଙ୍କ ରେସ୍ପନ୍ସ ପାଇଁ ଆପଣଙ୍କ ଧନ୍ୟବାଦ ଜଣାଉଥିବା ଆପଣଙ୍କୁ ଲାଗିବ ।
ତେବେ ଆପଣ ଜାଣିବା ଦରକାର ଏପରି ମେଲକୁ ରେସ୍ପନ୍ସ ଦେବା ମାତ୍ରେ ଆପଣଙ୍କ ସର୍ଭରରେ କିଛି ମାକ୍ରୋ ଆକ୍ଟିଭେଟ ହୋଇଥାଏ । ଯାହା ପରବର୍ତ୍ତୀ ସମୟରେ ଆପଣଙ୍କ ନେଟସପୋର୍ଟ ଓ ଡାଟା ହ୍ୟାକ କରି ଟଙ୍କା ପାଇବା ପାଇଁ ଆପଣଙ୍କୁ ଅନଲାଇନ ବିଭିନ୍ନ ଧମକ ଦେଇଥାଏ ।
ଜୁମ ଆପ ବର୍ତ୍ତମାନ ସମୟରେ ଲୋକପ୍ରିୟତା ସାଉଣ୍ଟିଥିବା ବେଳେ ଲୋକେ ଏହା ଗାଇଡଲାଇନ ଜାଣିବା ନିହାତି ଆବଶ୍ୟକ । କେଉଁ କ୍ଷେତ୍ରରେ ଏହା ମେଲ କରେ, କେଉଁ କ୍ଷେତ୍ରରେ ନୁହେଁ, ତାହା ମଧ୍ୟ ୟୁଜର୍ସ ସ୍ପଷ୍ଟ ଭାବେ ଜାଣିବା ଦରକାର ।
