ନୂଆଦିଲ୍ଲୀ: ଲୋକପ୍ରିୟ ଫୁଡ ଡେଲିଭରୀ କମ୍ପାନୀ ଜୋମାଟୋ ଏବେ ନିଜ କାରବାର ସୀମାକୁ ବ୍ୟାପକ କରିଛି । ସାରା ଦେଶରେ ଅଫର ଓ ଶସ୍ତାରେ ଖୁବଶୀଘ୍ର ଖାଦ୍ୟ ପହଞ୍ଚାଇବା ଯୋଗୁଁ ପ୍ରସିଦ୍ଧ ଥିବା ଜୋମାଟୋ ଏବେ ନିଜ ଶାଖା ଆଉ 100ଟି ସହରରେ ଖୋଲିଛି । ଫଳରେ ଏବେ ସାରା ଦେଶରେ 300ଟି ସହରରେ ଏବେ ଜୋମାଟୋ ଖାଦ୍ୟ ଯୋଗାଇବ ।
ଅନଲାଇନ ଫୁଡ ଯୋଗାଣ ସଂସ୍ଥା ଜୋମାଟୋ 2008ରେ ଭାରତରେ ଖୋଲିଥିଲା । ଏହାପରେ ଦେଶରେ ଏହା ଖୁବ ପ୍ରସିଦ୍ଧି ଲାଭ କରିଥିଲା । ପୂର୍ବରୁ ଏହା ସାରା ଭାରତରେ 200ଟି ସହରରେ ଖାଦ୍ୟ ଯୋଗାଉଥିବା ବେଳେ ଏବେ ଏହା 300କୁ ବୃଦ୍ଧି ପାଇଛି । ଏହିକ୍ରମରେ ସମସ୍ତ ସହରରେ ନିଜର ଅଧିକ ରେଷ୍ଟୁରାଣ୍ଟ ଖୋଲିବାର ଏହା ଯୋଜନା କରିଛି ।
ଅଧିକ 100ଟି ସହର ମଧ୍ୟରେ ପ୍ରମୁଖ ସହର ହେଉଛି ଅଯୋଧ୍ୟା, ଭୁଜ, ଋଷିକେଶ, ସିମଲା, ବେଗୁସରାଇ । ଉତ୍ତମ ଓ ଶୀଘ୍ର ସେବା ଯୋଗାଇବା ଯୋଗୁଁ ଲୋକପ୍ରିୟତା ହାସଲ କରିଥିବା ଏହି କମ୍ପାନୀ ନିଜ ରେଷ୍ଟୁରାଣ୍ଟ ସଂଖ୍ୟା ବଢାଇବା ଲାଗି ଯୋଜନା କରୁଥିବା ଜଣାପଡିଛି । ସବୁ ରାଜ୍ୟ ଅପେକ୍ଷା ଆନ୍ଧ୍ରପ୍ରଦେଶ ଓ ପଞ୍ଜାବରେ ଜୋମାଟୋରେ ଅଧିକ ଲଞ୍ଚ ଅର୍ଡର ହେଉଥିବା କମ୍ପାନୀର ସିଇଓ ମୋହିତ ଗୁପ୍ତା କହିଛନ୍ତି ।
