ନୂଆଦିଲ୍ଲୀ: ସୁପର ସଣ୍ଡେରେ ମୋଦିଙ୍କ ସହ ସୁପର ମିଟ୍ କରିବେ ରେଡ୍ଡୀ । ନିର୍ବାଚନୀ ବିଶ୍ବକପରେ ଆନ୍ଧ୍ରପ୍ରଦେଶରେ ପ୍ରଚଣ୍ଡ ବହୁମତରେ ବିଜୟଲାଭ କରିଛି ଜଗନ ମୋହନ ରେଡ୍ଡୀଙ୍କ ଦଳ ଓ୍ବାଇଏସଆର । ତେବେ ଆଗାମୀ ମେ 30 ତାରିଖରେ ରେଡ୍ଡୀ ଶପଥ ନେବେ ବୋଲି ସୂଚନା ରହିଛି ।
ତେବେ ଆଜି ମୋଦିଙ୍କୁ ଭେଟି ସେ ନିଜ ରାଜ୍ୟରେ ଥିବା ବିଭିନ୍ନ ସମସ୍ୟା ବିଷୟରେ ଆଲୋଚନା କରିବେ । ଏଥି ସହିତ କେନ୍ଦ୍ରରେ ପୁଣିଥରେ ଆସିଥିବା ମୋଦି ସରକାରଙ୍କୁ ସେ ସମର୍ଥନ କରିବେ ବୋଲି ମଧ୍ୟ ସୂଚନା ରହିଛି । ତେବେ ପ୍ରଚାର ସମୟରେ ଓ୍ବାଇଏସଆର ମୁଖ୍ୟ ରେଡ୍ଡୀ କହିଥିଲେ, ଯିଏ ଆନ୍ଧ୍ର ପ୍ରଦେଶର ଥିବା ବିଭିନ୍ନ ସମସ୍ୟା ସମାଧାନ କରିବାରେ ଆମକୁ ସାହାଯ୍ୟ କରିବେ, ତାଙ୍କୁ ଆମେ କେନ୍ଦ୍ରରେ ସମର୍ଥନ କରିବୁ ।
ତେବେ ଆନ୍ଧ୍ରର 175ଟି ଆସନରୁ 151ଟି ଆସନ ଅକ୍ତିଆର କରି ନାଇଡୁ ସରକାରକୁ ବିତାଡିତ କରିଛି ୱାଇଏସଆର । ସେହିପରି 25 ଲୋକସଭା ଆସନରୁ ମଧ୍ୟ 22ଟି ଆସନରେ ବିଜୟ ଲାଭ କରିଛି ରେଡ୍ଡୀଙ୍କ ଦଳ ।
