ହାଇଦ୍ରାବାଦ: ଏପ୍ରିଲ 24, 2005 । ଏହି ଦିନ ଲଞ୍ଚ ହୋଇଥିଲା ବିଶ୍ବର ସର୍ବବୃହତ ଭିଡିଓ ଷ୍ଟ୍ରିମିଂ ପ୍ଲାଟଫର୍ମ । ଯାହା ଏବେ 15 ବର୍ଷରେ ପାଦ ଥାପିଛି । ଏହି 15 ବର୍ଷ ଯାତ୍ରା ୟୁଟ୍ୟୁବ ଅନେକ ଲୋକଙ୍କ ଲୋକପ୍ରିୟ ପାଲଟିଥିବା ବେଳେ ଏଥିରେ ସେୟାର ହେଉଥିବା ଭିଡିଓ ଲୋକଙ୍କୁ ଶିଖାଇଛି ଅନେକ କିଛି । ଗୁଗୁଲର ସବସିଡି କୁହାଯାଉଥିବା ଏହି ପ୍ଲାଟଫର୍ମରେ ପ୍ରଥମ ଭିଡିଓ ରହିଥିଲା କୋ-ଫାଉଣ୍ଡର ଜାୱେଦ କରିମଙ୍କର । ଯିଏ କାଲିଫର୍ଣ୍ଣିଆର ଏକ ଚିଡିଆଖାନା ବାହାରେ ରହି ରେକର୍ଡ କରିଥିଲେ 18ସେକେଣ୍ଡର ଭିଡିଓ ।
ଏହି ଭିଡିଓରେ ସେ ହାତୀ ଓ ସେମାନଙ୍କ ଲମ୍ବା ଶୁଣ୍ଢ ବିଷୟରେ କହିଥିଲେ। ତେବେ 15 ବର୍ଷ ତଳେ ପୋଷ୍ଟ ହୋଇଥିବା ଏହି ଭିଡିଓକୁ ବର୍ତ୍ତମାନ ସୁଦ୍ଧା 90 ମିଲିୟନ ଲୋକେ ଦେଖିସାରିଛନ୍ତି । ଅନ୍ୟପଟେ ପ୍ରକାଶିତ ରିପୋର୍ଟ ମୁତାବକ ଗୁଗୁଲକୁ ମିଳୁଥିବା ରେଭେନ୍ୟୁ ପଛରେ ବହୁତ ବଡ ହାତ ୟୁଟ୍ୟୁବର ରହିଥିବା ଜଣାପଡିଛି । ଗୁଗୁଲ ଅଧିନସ୍ଥ କମ୍ପାନୀ ଆଲଫାବେଟରେ ଏନେଇ ଏକ ରିପୋର୍ଟ ପ୍ରକାଶ ପାଇଥିଲା । ଯେଉଁଥିରେ ପ୍ରଥମ ଥର ପାଇଁ ୟୁଟ୍ୟୁବର ବାର୍ଷିକ ଆୟ ଦର୍ଶାଯାଇଥିଲା ।
2019ରେ ପ୍ରକାଶିତ ରିପୋର୍ଟ ମୁତାବକ ବର୍ଷ ତମାମ ୟୁଟ୍ୟୁବ ମୋଟ 15.15 ବିଲିୟନ ଡଲାରର ରେଭେନ୍ୟୁ ପାଇଥିବା ବେଳେ କେବଳ ଶେଷ ତିନି ମାସରେ ମିଳିଥିଲା 4.72 ବିଲିୟନ ଡଲାରର ରେଭେନ୍ୟୁ । ଯାହା ସମୁଦାୟ ପରିମାଣର 10 ପ୍ରତିଶତ । ତେବେ ଆଲଫାବେଟ ସିଇଓ ସୁନ୍ଦର ପିଚାଇଙ୍କ କହିବା ମୁତାବକ କେବଳ ବର୍ଷ 2019ରେ ହିଁ ଆଡ ମାଧ୍ୟମରେ ୟୁଟ୍ୟୁବ 36 ପ୍ରତିଶତ ଅଧିକ ରେଭେନ୍ୟୁ ପାଇପାରିଛି । ଏଥିସହିତ ବର୍ତ୍ତମାନ ୟୁଟ୍ୟୁବ୍ରେ ଯୋଡି ହୋଇଛନ୍ତି ପ୍ରାୟ 20 ମିଲିୟନ ପେଡ ସବସ୍କ୍ରାଇବର ।
