ରାୟପୁର: ଛତିଶଗଡରେ ଏକ ଲୋମଟାଙ୍କୁରା ଘଟଣା ଦେଖିବାକୁ ମିଳିଛି । ଜଣେ ଯୁବକ ନିଜ ପରିବାର ସଦସ୍ୟଙ୍କୁ ହତ୍ୟାକରି ନିଜେ ଆତ୍ମହତ୍ୟା କରିଛି ।
ସୂଚନା ଅନୁଯାୟୀ, ବିଳାସପୁରର ମଟିୟାରୀ ଗାଁରେ ଜଣେ ଯୁବକ ନିଜ ବାପା ଓ ମାଆ, ଦୁଇ ଭାଇ ଏବଂ ଭଉଣୀକୁ କୁରାଢୀରେ ହାଣି ହତ୍ୟା କରିଛି । ଏହାପରେ ଯୁବକ ଜଣଙ୍କ ଚଳନ୍ତା ଗାଡି ଆଗକୁ ଡେଇଁ ଆତ୍ମହତ୍ୟା କରିଛି ।
ପରିବାର ସଦସ୍ୟଙ୍କୁ ହତ୍ୟାକରି ନିଜେ ଆତ୍ମହତ୍ୟା କଲେ ଯୁବକ
ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ମାତ୍ର ହତ୍ୟାର କାରଣ ଏପର୍ଯ୍ୟନ୍ତ ଜଣାପଡିନାହିଁ । ଏନେଇ ପୋଲିସ ମଟିୟାରୀ ଗାଁ ଲୋକଙ୍କୁ ପଚରାଉଚରା କରୁଛି । ଏପଟେ ଯୁବକଙ୍କ ମାନସିକ ସ୍ଥିତି ଠିକ ନଥିବା କିଛି ଗ୍ରାମବାସୀ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
