ଅଜମେର: ରାଜସ୍ଥାନରେ ପ୍ରବଳ ବର୍ଷା ଫଳରେ ରାଜ୍ୟର ଅନେକ ସ୍ଥାନରେ ବନ୍ୟା ପରିସ୍ଥିତି ଦେଖାଦେଇଛି । କିଛି ସ୍ଥାନରେ ଏହି ବନ୍ୟା ସ୍ଥିତି କରାଳ ରୂପ ନେଇଛି । ରାଜ୍ୟର ଦରଗାହ, ଅଜମେର ଭଳି ସ୍ଥାନରେ ପାଣି ଲହଡ଼ି ମାରୁଥିବା ଦେଖିବାକୁ ମିଳିଛି ।
ପାହାଡ଼ି ଅଞ୍ଚଳରୁ ଦରଗାହ ଅଞ୍ଚଳକୁ ଆସୁଥିବା ପାଣି ସୁଅ ଲୋକମାନଙ୍କ ପାଇଁ ସମସ୍ୟା ସୃଷ୍ଟି କରିଛି । ମିଳିଥିବା ସୂଚନା ମୁତାବକ ସୁଫି ସନ୍ଥ ଖ୍ବାଜା ଗରୀବ ନଓ୍ବାଜଙ୍କ ଦରଗାହ ଥିବା ଅଞ୍ଚଳରେ ପାଣିର ପ୍ରଖର ସୁଅ ଦେଖିବାକୁ ମିଳିଛି । ଏହାର ଏକ ଭିଡ଼ିଓ ଏବେ ଭାଇରାଲ ହେବାରେ ଲାଗିଛି । ଏହି ପ୍ରଖର ସୁଅରେ ଆସବାବପତ୍ର ସହିତ କିଛି ଜିନିଷ ଭାସିଯାଉଥିବାର ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ।
ଏହା ସହିତ ଏହି ପ୍ରଖର ସୁଅରେ ଜଣେ ଯୁବକ ଭାସି ଯାଉଥିବାର ମଧ୍ୟ ଦେଖିବାକୁ ମିଳିଛି । ତେବେ ଭାସିଯାଉଥିବା ଯୁବକଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ତେବେ ଏଠାରେ କହି ରଖୁଛୁ କି ପାହାଡ଼ରୁ ଆସୁଥିବା ଏହି ପାଣିର ସୁଅ ସବୁବେଳେ ପ୍ରଖର ରହିଥାଏ । ସୂଚନାଯୋଗ୍ୟ ଏପର୍ଯ୍ୟନ୍ତ ଅଜମେର ଓ ଏହାର ଆଖପାଖ ଅଞ୍ଚଳରେ ପାଖାପାଖି 3 ଇଞ୍ଚର ବର୍ଷା ହୋଇଛି ।
