ହାଇଦ୍ରାବାଦ: ଭାରତର ବୃହତ୍ତମ ସ୍ମାର୍ଟଫୋନ ବିକ୍ରେତା ସାଓମି ଭାରତରେ ଅନ୍ୟ ସ୍ମାର୍ଟଫୋନ ବ୍ରାଣ୍ଡ ତୁଳନାରେ ଅଧିକ ଆଦୃତ ବୋଲି ଶନିବାର ପ୍ରକାଶ କରିଛି । ଏନେଇ ସୂଚନା ଦେଇଛନ୍ତି କମ୍ପାନୀର ଭାରତୀୟ ମୁଖ୍ୟ ମନୁ ଜୈନ । ଦେଶରେ ବୟକଟ୍ ଚାଇନିଜ ପ୍ରଡକ୍ଟ ନେଇ ଆନ୍ଦୋଳନ ତେଜିବାରେ ଲାଗିଥିବା ବେଳେ ଏପରି ମନ୍ତବ୍ୟ ଦେଇ ଅନ୍ୟ ସ୍ମାର୍ଟଫୋନ କମ୍ପାନୀଙ୍କୁ ଖୋଲାଖୋଲି ଚ୍ୟାଲେଞ୍ଜ କରିଛନ୍ତି ମନୁ ।
ସେପଟେ କମ୍ପାନୀରେ ଭାରତୀୟ ନିର୍ଦ୍ଦେଶକ କହିଛନ୍ତି କି କମ୍ପାନୀର ମୋବାଇଲ ଫୋନ ଆର ଆଣ୍ଡ ଡି ସେଣ୍ଟର ଓ ପ୍ରଡକ୍ଟ ଟିମ୍ ଭାରତରେ ରହିଛି । ଏଥିସହ ଭାରତରେ ପ୍ରାୟ 50 ହଜାରରୁ ଉର୍ଦ୍ଧ୍ବ ଲୋକଙ୍କୁ କମ୍ପାନୀ ରୋଜଗାର ଯୋଗାଇଛି । ଏନେଇ ଏକ ଟ୍ବିଟ ଯୋଗେ ସେ କହିଛନ୍ତି କି ସାଓମି ଇଣ୍ଡିଆ ଦ୍ବାରା ପ୍ରସ୍ତୁତ ସ୍ମାର୍ଟଫୋନ ଓ ସ୍ମାର୍ଟ ଟିଭିର ଚାହିଦାକୁ ଦେଖି ସ୍ପଷ୍ଟ ଭାବେ କୁହାଯାଇପାରେ କି ଏହି କମ୍ପାନୀ ଅଧିକାଂଶ ଭାରତୀୟଙ୍କ ପସନ୍ଦ । ଏପରି ମନ୍ତବ୍ୟରେ ଟ୍ବିଟରରେ ମିଶ୍ରିତ ପ୍ରତିକ୍ରିୟା ଦେଖିବାକୁ ମିଳିଥିଲା ।
କିଛି ୟୁଜର୍ସ ଏହା ଏକ ଚାଇନିଜ କମ୍ପାନୀର ଭାରତୀୟ ଅଂଶ ବୋଲି ଆକ୍ଷେପ କରିଥିବା ବେଳେ କିଛି ୟୁଜର୍ସ ଏହି କମ୍ପାନୀର ଆମଦାନୀ କେଉଁଠାକୁ ଯାଉଛି ବୋଲି ପ୍ରଶ୍ନ କରିଥିଲେ । ସେପଟେ କିଛି ୟୁଜର୍ସ ଏହା ମଧ୍ୟ ଯୁକ୍ତି ବାଢିଥିଲେ କି ମେଡ ଇନ ଇଣ୍ଡିଆ ସାଓମି ପ୍ରଡକ୍ଟ ବାସ୍ତବରେ ଭାରତରେ ପ୍ରସ୍ତୁତ କରାନଯାଇ କେବଳ ଭାରତରେ ଆସେମ୍ବଲ ବା ଏକତ୍ରିତ କରି ବିକ୍ରି କରାଯାଉଛି । ହେଲେ ଏତେ ୟୁଜର୍ସଙ୍କ ନକାରାତ୍ମକ ପ୍ରତିକ୍ରିୟା ଭିତରେ କିଛି ୟୁଜର୍ସଙ୍କ ସାଓମି ଇଣ୍ଡିଆ ପ୍ରତି ସମର୍ଥନ ମଧ୍ୟ ଦେଖିବାକୁ ମିଳିଥିଲା ।
@IANS
